Mtaala wa Cornerstone, Kitabu cha Mwanafunzi

SOMO LA 2 | KUTAF S I R I B I B L I A : MB I NU YA HATUA TATU / 125

• Kwa kuwa sisi sote si walimu na wasomi wa Biblia, ni nini kinachopaswa kuwa lengo letu tunapojihusisha wenyewe na shughuli ya kufasiri Biblia? Je, tunapaswa kujisikia vibaya endapo baadhi ya washirika katika mwili wa Kristo watapata mafunuo zaidi katika kujifunza kwao kuliko sisi? Karama za kiroho zinahusikaje na hoja hii? • Kwa nini ni muhimu kutowategemea wengine ili kupata maarifa na hekima iliyomo katika Biblia? Ni makosa ya aina gani yanaweza kutokea tunapo wategemea wengine kupita kiasi kwa habari ya mafundisho na ukuaji wetu katika Kristo? • Kwa nini si busara kudhani kwamba kumtegemea Roho Mtakatifu katika kujifunza kwetu Biblia ni mbadala wa kazi ngumu ya kutafsiri Biblia? Unawezaje kujua kwamba humtegemei Roho Mtakatifu kupata ufahamu katika jitihada zako binafsi za kujifunza? Kadhalika unawezaje kutambua endapo unalemewa na uvivu kwa namna unavyolitumia na Neno la kweli? • Kwa nini sikuzote ni muhimu kujifunza Biblia kwa kuzingatia mambo makuu yaliyokaziwa na Bwana wetu, pamoja na mitume na manabii? Mafundisho yao juu ya upendo kwa Mungu na jirani yanatusaidiaje kuelewa kwamba Biblia nzima, yaani Agano la Kale na Agano Jipya, ina mada na kusudi moja? Elezea. La msingi ni Lile Asemalo Mchungaji Tu! Katika madhehebu mengi, bila kujali mbinu ya kujifunza kibinafsi inayotumiwa kuelewa maana ya Biblia, mantiki ya mafundisho ya maandiko hutegemea mapokeo ya kanisa na/au viongozi rasmi wa kanisa. Hili liko wazi, kwa mfano, katika mfumo wa Kikatoliki wa kutafsiri Biblia. Ingawa suala la kujifunza Biblia kwa mtu binafsi linahimizwa na kupongezwa kuwa ni jambo zuri na la kujenga, kanuni za kibiblia zilizogunduliwa na mtu binafsi haziwezi kamwe kuchukua nafasi ya kwanza kuliko mafundisho ya Kanisa kama yanavyoeleweka kwa karne nyingi, na yanavyowakilishwa sasa kupitia mafundisho ya Maaskofu na ya Papa. Waprotestanti hawakubaliani na maoni haya, lakini katika makanisa mengi ya Kiprotestanti, tafsiri ya mtu binafsi haichukuliwi kuwa ya kuaminika isipokuwa ikiwa inalingana na kile mchungaji au viongozi wa kiroho wanaamini na kufundisha. Je, mamlaka ya kichungaji na uongozi wa kiroho ina nafasi gani katika tafsiri zetu binafsi za Biblia? Je, yote tunayogundua yanapaswa kuthibitishwa na viongozi wetu, au wao, kama sisi, wako chini ya wajibu uleule wa kuoanisha maoni yao na maandiko ili yaweze kuaminika na kukubalika?

2

M A S O M O Y A B I B L I A

MIFANOHALISI

1