Mtaala wa Cornerstone, Kitabu cha Mwanafunzi

SOMO LA 1 | UFALME WA MUNGU : KUZ I ND I L IWA KWA UTAWALA WA MUNGU / 197

• Kupaa kwa Yesu mkono wa kuume wa Baba ni ishara inayoonekana ya mamlaka na ukuu wa Yesu, kama Kichwa cha Kanisa Amiri Jeshi Mkuu wa majeshi ya Mungu, kama Bwana wa kazi ya mavuno ya utume, na kama Bwana Mshindi katika yote, ambaye hivi karibuni atakuja na kuukamilisha Ufalme. Sasa ndio wakati wa wewe kujadili pamoja na wanafunzi wenzako maswali yako kuhusu Ufalme wa Mungu uliozinduliwa na kutimizwa leo. Maana za Yesu kuudhihirisha Ufalme hazina idadi na ni muhimu, na bila shaka utakuwa na maswali kuhusu umaana wa kazi yake katika maisha na huduma yako. Je, una maswali gani hasa kwa kuzingatia maudhui ambayo umejifunza hivi punde? Labda baadhi ya maswali yaliyopo hapa chini yanaweza kukusaidia kuunda maswali yako mwenyewe, mahususi na muhimu zaidi. • Ikiwa Ufalme tayari upo kwa kadiri fulani leo, kwa nini ulimwengu bao si wa haki na unaonewa sana? Hasa zaidi, kwa nini maskini bado wanaonewa, kunyanyaswa, na kupuuzwa ikiwa Mwaka wa Yubile umekwishatangazwa tayari? • Je, ahadi mahususi kuhusu Ufalme halisi wa kimwili zitatimizwa, au zinapaswa kueleweka kwa njia ya kiroho tu? • Kwa nini inaonekana kana kwamba ibilisi angali ana nguvu na mamlaka ikiwa Yesu alimshinda kabisa pale Kalvari msalabani? Je, sisi kama waamini tunaweza kutumia mamlaka haya makubwa kwa kiasi gani, na tunawezaje kufanya hivyo? • Jiji lina nafasi gani kuhusiana na Ufalme wa Mungu leo? Ikiwa Ufalme tayari upo kwa namna fulani, hilo linamaanisha nini kwetu katika huduma ya mijini? • Ni kwa kiwango gani tunaweza kumwomba Mungu afanye kazi zile zile ndani yetu na kupitia kwetu ambazo alifanya ndani ya Yesu, ikiwa mamlaka ya ufalme iko katikati yetu leo? • Kwa nini ni Wakristo na makanisa machache sana yanayoishi mlipuko wa mamlaka na nguvu za utawala wa Mungu ikiwa Yesu kwa namna fulani halisi alianzisha utawala wa Mungu? • Wakristo hawakubaliani sana kuhusu unabii na mafundisho ya nyakati za mwisho. Fundisho hili la Ufalme linasaidiaje kutatua tofauti hizo au hata kufanya kuwa vigumu zaidi kuelewa fundisho la Biblia kuhusu nyakati za mwisho?

Kutendea Kazi Somo na Matokeo yake kwaWanafunzi

1

T H E O L O J I A N A M A A D I L I