Mtaala wa Cornerstone, Kitabu cha Mwanafunzi

SOMO LA 1 | UONGOFU NA WI TO : NENO L I NALOUMBA / 85

KUJENGA DARAJA

Swali la Utaalamu Katika jamii kwa ujumla leo ni jambo la kawaida kwa watu wengi walio na matatizo ya kitaaluma au ya kibinafsi kuyashughulikia wao wenyewe, au kushauriana na “wataalamu” - wanasayansi, madaktari, washauri, au wengine ambao wanachukuliwa kuwa wao wanaweza kuwawezesha kukabiliana na matatizo yao au kuyatatua. Neno la Mungu lina nafasi gani leo katika kutatua matatizo ya watu? Je, ni kwa njia gani unaona au kushindwa kuona kuheshimiwa kwa mafundisho ya Neno la Mungu katika jamii leo? Mamlaka iko wapi? Fikiria kwamba suali tata linaibuka katika kundi la vijana la huduma ya kanisa lako la mahali kuhusu ngono kabla ya ndoa. Watoto wengi wanafundishwa katika shule zao za sekondari kwamba shughuli za ngono ni za kawaida na zinazotarajiwa, na ni sawa ilimradi wachukue tahadhari dhidi ya magonjwa ya zinaa na hatari ya kupata mimba. Hoja zinazotolewa katika shule za sekondari zinakuwa zinaonekana za kuvutia kwa baadhi ya wanafunzi katika kikundi chako cha vijana, ambao wanashangaa na kuhoji ni kwa namna gani viwango na kanuzi za kitabu cha kale kama Biblia zinaweza kuhusiana nao kama vijana leo. Je, unaweza kusema nini kwa watoto hao ambao wanaelekea hatua ya kukataa mamlaka ya Maandiko juu ya maisha yao, wale ambao wanazidi kusadikishwa kwamba mambo yako sawa ikiwa tutayashughulikia kwa kuwajibika na kwa uwazi? Yesu - Ndiyo; Biblia - Hapana! Kuna watu wengi wanaokiri utii wa kina kwa Yesu na mafundisho yake, lakini wana shida na ukweli wa Biblia. Yesu alifundisha upendo, unyenyekevu, na nia njema miongoni mwa watu; Biblia, hata hivyo, imejaa mafundisho ya ajabu kuhusu malaika, mapepo, na miujiza, mambo ambayo watu wengi wa sasa wanaona kuwa magumu au kwamba hayawezekani kuamini. Je, unafikiri inawezekana kumkubali Yesu Kristo huku, wakati huohuo, tukitilia shaka mambo fulani ya Biblia? Unaweza kusema “Ndiyo!” kwa Yesu, lakini “Hapana!” au “sina uhakika” kwa mambo mengi katika Maandiko? Je, ni lazima uamini kila kitu ambacho Biblia inafundisha ili kudai kuwa na uhusiano wa kweli na imani katika Yesu? Ikiwa jibu ni ndiyo, kwa nini ? Ikiwa jibu ni siyo kwa nini?

1

Ukurasa wa 70  5

2

1

M A S O M O Y A B I B L I A

3