Mungu Mwana – Mwongozo wa Mkufunzi: Capstone Module 10 Swahili Mentor Guide

/ 2 7 9

M U N G U M W A N A

Hermas , yeye anaonyesha kwamba Kristo alikuwa muhimu katika uumbaji (Herm. Sim. 9.12.2; katika Sim. 5.6.5 Kristo aliyekuwepo hapo awali kama Roho Mtakatifu “ aliumba viumbe vyote ”) na anavitegemeza (Herm. Sim. 9.14.5). Hermas pia anaandika: “ lango ni Mwana wa Mungu, huu ndio mlango pekee wa kuingia kwa Bwana. Hakuna mtu anayeweza kuingia ndani yake isipokuwa kupitia kwa Mwanawe ” ( Herm. Sim. 9.12.6 [cf. 4–5]). Hermas pia anamrejelea Kristo kuwa mkuu kuliko malaika (Herm. Sim. 5.6.2). Barua za Ignatius zinajulikana kwa namna ambavyo zinamtaja Kristo kama Mungu kwa uhuru mkubwa (k.m., Ign. Eph. presc.; 1.1; 15.3; 17.2; 18.2; Ign. Rom. presc.; 3.3; Ign. Smyrn. 1.1 ; Ign. Pol. 8.3). Ignatius anamzungumzia Yesu Kristo kuwa ni Mwana wa Mungu (Ign. Efe. 20.2), Bwana (k.m., Ign. Efe. 7.2) na “ aliyekuwako pamoja na Baba tangu milele ” (Ign. Magn. 6.1) na kama Mungu “ Neno (logos) litokalo katika ukimya ” (Ign. Magn. 8.2). Muundo unaofanana na Utatu unatojikeza pia katika Magnesians 13.1, “katika Mwana na Baba na Roho.” Kwa Ignatius , Yesu ni Mungu aliyefanyika mwanadamu (cf. Ign. Efe. 7.2; 19:1-3). Polycarp si tu kwamba mara nyingi anamtaja Kristo kama “ Bwana ” (k.m., Pol. Flp. 1.1-2; 2.1) na “ Mwana wa Mungu ” ( Pol. Flp. 12.1 ), lakini pia anamwita Yesu Kristo “ Mungu wetu ” (Pol. Flp. 12.2, ingawa baadhi ya MSS [hati-kunjo za kale] zimeyaacha maneno haya). Didache inamwita Kristo kama “Bwana” (k.m., Je. 6.2; 8.2; 9.5; 11.8; 14.1; 16.8) na “ Mzabibu Mtakatifu wa Daudi mwana wako ” (yaani, pais, au pengine “ mtumishi ,” Je. 9.2 -3; 10.2-3). Pia kinachoonekana mle ni jina la ubatizo lenye sehemu tatu, “ la Mwana, la Baba na la Roho Mtakatifu ” (Did. 7.1-3). Kitabu cha Barnaba kinabeba Kristolojia ya hali ya juu, kikimweka Kristo mwanzoni mwa uumbaji ( Barn. 5.5, kwa kurejelea Mwa. 1.26 ), na kumtaja kama “ Mwana wa Mungu ” (k.m., Barn. 5.9; 7.9; 12.10) ambaye atakuwa mwamuzi wa eskatolojia (Barn. 15.5). Kristolojia ya hali ya juu ya 2 Klementi inaonekana katika sentensi ya mwanzo kabisa: « Lazima tumfikirie Yesu Kristo kama wa Mungu, kama Hakimu wa walio hai na wafu » (2 Klem. 1.1). Kuwepo kwa Kristo tangu kale kumewekwa wazi kutokana na kumtaja kama “roho kwa asili” kabla hajafanyika mwili (2 Klem. 9.5). Kanisa, hata hivyo, pia linatajwa kuwa lilikuwepo tangu mwanzo, na maana inayoonekana ni kwamba Mungu aliumba vyote viwili hapo mwanzo (2 Klem. 14:2). ~ R. P. Martin, and P. H. Davids. Dictionary of the Later New Testament and its Developments. (electronic ed.). Downers Grove, IL: InterVarsity Press, 2000.