Ukaboni wa Chipangano chakale pa Yesu Khristu na Ufumu wake, Buku la Msambiri

/ 1 0 3

UKABONI WA CHIPANGANO CHAKALE PA YESU KHRISTU NA UFUMU WAKE

6. Yaniskani usofi wa Aroni, Melchizedek, na wa Yesu Khristu. 7. Yaniskani ndipo suskani sembe za mu chihema na umo Yesu wakafiskira mu umoyo wake na kujipereka kwake kuba sembe na kufiska vyose ivyo vikaba muchipangano chakare: sembe zakocha, sembe ya chakurya, sembe ya mtende na sembe ya zakwananga. 8. Kasi Yesu wakufiska wuli kuba Mfiski wa Mizgezge iyo yikasangikanga mu vikondwelero, maphwando, na maungano: Chikondwelero cha Paska, Chikondwelero cha Chingwa chambura chirungo, chikondwelero cha vipaso vyakwamba vya vuna, chikondwelero cha Pentecost, chikondwelero cha zimbata, Dazi la mphepiska, na chikondwelero cha misasa. 9. Kasi ukaboni wose uwo wuli muchipangano chakare ukukolerananako wuli na fundo yakuti ulato wa Chipangano chakare nkhurongora Yesu na milimo yake pakuba Mesiya/Mponoski mwene uyo wakwiza? Chisambizgo ichi chikulabiska pa utebeti wa katanthauliro ka Mazgu gha Chiuta pakulabiska pa vyakwimira vinthu ivyo vikusangika mu Chipangano Chakare, na kuzirwa kwake pakutovwira kuwona ukaboni wa Chipangano chakare pa Yesu Khristu. Pali vinthu vitatu vikuruvikuru mu Chipangano Chakare ivyo vikutovwira kupulikiska ukaboni uwo Chipangano Chakare chikutipa pa Yesu Khristu. Kusuturika kwa banthu na Chiuta mu buku la Kufuma, kuthereskeka kwa Kenani na kunjira mu charu cha phangano, kuwezgekeramo mu charu cha phangano kufuma kuwuzga wa mucharu cha Bailoni kuba vyakwimira kuwombokwa kwa bakupulikana, kuwunjikika kwa bakupulikana na Yesu Khristu mu chipangano chasono. Kweniso, Chipangano chakare chikutipa ukaboni ukuru chomene pa Yesu Khristu na Ufumu wake mu Chihema chakusoperamo, Usofi, na sembe izo zikaperekekanga. Yesu ndiyo ntchakuwoneka na maso na Mfiski wa vyose ivyo vikachitikanga mu Chihema, Usofi wa Bina Levi, na sembe izo zikaperekekanga, vikondwelero na visopo. Wunthu wose uwu, vyakuchitika, na mawupu vikayimiranga wunthu na mlimo wa Yesu Khristu. Weleranimo vinthu ivi na mitu iyo yili kusambizgika muchisambizgo ichi pakuwona fundo izi: ³ Kulongosora mwaupusu “ Mzgezge” “ndi chinthu, vyakuchitika, vikozgo panji kuti vyakuchitika vyakuwoneka na maso ivyo vikuwoneka mu Chipangano Chakare ivyo vikwimira vyakuchitika ivyo vikufiskika mu Chipangano Chasono ivyo vikulabiska pa Yesu Khristu pakuba Mfiski.

2

KUBAMBIKIZGA

Fundo zikuru zikuru mwaufupi