Ukaboni wa Chipangano chakale pa Yesu Khristu na Ufumu wake, Buku la Msambiri

1 0 4 /

UKABONI WA CHIPANGANO CHAKALE PA YESU KHRISTU NA UFUMU WAKE

³ Fundo yikuru chomene pakutanthaura Mazgu gha Chiuta pakulondezga ndondomeko iyi njakuti yikaba nthowa iyo Yesu na basambiri bake bakayitebeteska, nakutiso Baibulo pa lene yikuyitebeteska pakujiphara na kupereka kukoleranako kwa vyakuchitika mu Chipangano Chakare na Chasono. ³ Kabiro kakuru chomene ka Mzgezge kakusachizga kuti Mzgezge na bakufiska ndi vinthu vyakuchitika nadi, vikupereka ungweru pa Yesu na Mlimo wake, mwakuti Mizgezge ya mu Chipangano Chakare vikusangika na kufiskika mu Chipangano Chasono ndipo vikufiskikira mu mlimo wa Chiuta wakuponoska uwo wuli kufiskikira mwa Yesu Khristu. ³ Ndondomeko yakutebeteska nthowa ya kulondezga Mzgezge pa kutanthaula Mazgu gha Chiuta yikusazgako khumbiro lithu lakugomezga kuti Chiuta wali kubikako vinthu mu Baiblulo, ivyo vikutilongozgera kwa Yesu Khristu pakubikako kubambikizga mapangano ghose ghabiri, Chipangano Chakare na Chipangano Chasono mwakuti timanye kusambira na kulondezga fundo zose ziri mu Mzgezge na Mfiski wake. ³ Vinthu ivyo bina Israyeli bakendamo, bamumphapu ya Abraham na banthu ba Chiuta, vikwimira Mzgezge wene uwo ungamanya kutovwira kupulikiska mwa usanisani ubare wa tabanthu na Chiuta na mlimo wa Yesu Khristu wakuwombora na kuthaska banthu. Vigaba vitatu vyakuzirwa chomene mu mbiri ivyo vikovwira pakuwoneska fundo iyi pa kuwomboreka kwa Israyeli kwizira mu Kufuma, kuthereskeka kwa Kanani, na kunjira kwawo mucharu cha Phangano, kuwezgekeramo kwawo mucharu cha Phangano kufuma ku Babiloni ku wuzga. ³ Kuwombora kwa Chiuta pa banthu bake kwizira mu kufuma kwawo mu charu cha Igupto, kukwimira kuwombora kwa Chiuta uko wali kuchita pa banthu bakupulikana kwizira mwa Yesu Khristu wa ku Nazareti, Paska lithu, manna, maji ghamoyo agho ghakafuma pa libwe la jarawe. ³ Nkhani yakuthereska kwa charu cha Kenani, kunjira kwawo mucharu cha phangano, kukhazikika kwa ufumu wawo na kuwusa kwake, vikwimira kuthereskeka kwa barwani ba Chiuta kwizira mwa Yesu Khristu mwene uyo Chiuta wati wamkhazikiske nga ndi Fumu na Mthaski wa tabanthu, kwa myirayira, ndipo chitumbiko cha Ufumu wa Chiuta awo mbanthu ba Chiuta, uwo ndi Mpingo, bahaliri Pamoza na Yesu Khristu. ³ Kuwezgekeramo kwa banthu ba Chiuta kufuma pakukoreka wuzga ndi mzgezge wa kuwezgekeramo kwa banthu ba Chiuta, malayizgo ghake gha vitumbiko vyamunthazi apo Yesu wakwizaso. Chipangano Chakare,

2