Ukaboni wa Chipangano chakale pa Yesu Khristu na Ufumu wake, Buku la Msambiri

1 0 6 /

UKABONI WA CHIPANGANO CHAKALE PA YESU KHRISTU NA UFUMU WAKE

ngwakutondeka. Usofi wa Yesu ngwakufumira mumundandanda wa Melchizedek, wene uwo ngwambura kusinthika, wamyirayira, na wawumaliro. ³ Yesu Khristu wakufiska mu umoyo wake na kujipereka kwake ching’anamuro cha sembe zose izo zikaperekekanga mu Chihema: Sembe yose yakocha ndi Mzgezge wa Yesu Khristu mukujipereka kwake kwa Chiuta ; Sembe ya chakurya ntchizgezge chakwimira Yesu Khristu na umo wakajiperekera mwakufikapo kwa Chiuta umoyo wake wose, kukomwa kwake, sembe yakufikapo, sembe yamtende yikwimira Yesu apo wakupereka mtende pakati pa munthu na Chiuta kweniso pakati pa munthu na muntu munyake. Sembe ya kwananga, yikwimira Yesu apo wakazgoka kwananga mumalo mwithu pakuyeya zakwananga zithu pamphinjika; sembe ya majuvyo yikwimira Yesu apo wakunjira mumalo mwithu na kutitozga na kupereka mumalo mwa ise kuti tikhare umoyo wupya. ³ Yesu ndiyo mufiski wa mizgezge yose iyo yikachitikanga mu viphikiro vya Isirayeli, visopo vyawo na mawungano wose: muchiphikiro cha Pasaka, Yesu ndiyo Pasaka lithu, mwana mberere wa Chiuta mwene uyo ndopa zake zikutisuka kuzakwananga zithu zose na kutiwombora; mu chiphikiro cha chingwa cha ubapo wa Chiuta, Yesu ndiyo wakuphazga mendero ghithu mu utozi wose, mu wupusikizgi chara nesi mu utesi panji mu wujira wuli wose, Yesu ndiyo wakwamba mu vyakucha vyose ivyo viti vivunikenge kwa Chiuta; ndiyoso chiphikiro cha pentekoste, Yesu na Chiuta Dada bakukhutulira Mzimu Mtuba pa Mpingo wake mu muwiro uwu wasono; mu chiphikiro cha zimbata, Yesu ndiyo mwene uyo wati wizengeso na kuwunjikaso Pamoza mberere zake kuchiponosko na chitumbiko cha myirayira; mudazi la kutozgeka na mphepiska, Yesu ndiyo ndi Msofi mlara na sembe yakuperekeka kwa Chiuta mu chihema cha kuchanya; muchiphikiro cha misasa, Yesu ndiyo wati wizengeso na kuwunjikaso banthu bake Pamoza mukwizaso kwake ku uchindame wake na kupumura kwa myirayira. Sono yafikaso nyengo yakuti mudumbirane na basambiri banyinu ivyo mwasambira, mafumbo ghinu ghakukhwaska malayizgo agho ghakhwaskika muchisambizgo chachibiri. Weleranimo ubare na unenesko wose uwu pakulabiska umo ungatebetera pa umoyo na utebeti winu pakwendamo mumafumbo agha. Kungaba kwamachitiko kuti ghangamanya kumovwirani kuti mwize na mafumbo pa imwe mwekha.

2

Kutorapo lwande Kwa Msambiri na vyakulondezgapo vyake