Ukaboni wa Chipangano chakale pa Yesu Khristu na Ufumu wake, Buku la Msambiri

/ 1 0 7

UKABONI WA CHIPANGANO CHAKALE PA YESU KHRISTU NA UFUMU WAKE

* Kasi muli kusandapo Mazgu gha Chiuta mwakulondezga ndondomeko yakasandiro ya Mzgezge na Mfiski? Kasi mukafikapo kuti ndi nthowa yakovwira chomene pakusanda Baibulo na kupulikiska chipangano chasono kwizira munkhani izi na Mzgezge? * Kasi awo mukusopa nawo pasono bangatora kuti kusanda Mazgu gha Chiuta kwizira mukulabiska Mzgezge na Mfiski nkhwakuzirwa wuli? Kasi baliska binu bali kusambizgapo, kupharazgapo, panji kuchiska banthu kumanya Mazgu gha Chiuta kwizira munthowa iyi? Usange zgoro ndi chara, mukughanaghana kuti ntchifukwa wuli? * Kasi pali mphambano wuli kwa imwe usange nthowa yakusanda pakutebeteska Mzgezge ndi nthowa iyo Yesu na basambiri bake bakatebeteska mwakuti bapulikiske chipangano chasono? Kasi tikwenera kugoteka nthowa na ndondomeko iyi pa Yesu na Basambiri bake pera chifukwa pali chofyo chakuti yingamanya kutimbanizgika mukatebeteskekero kake? * Kasi mukumanya vigaba vya Mizgezge na vyakufiska vyake, makora chomene mwakuti mungamanya kutebeteska makora nthowa iyi mukubazga na kusanda kwinu Mazgu gha Chiuta? Usange zgoro ndi chara, kasi ndi vichi ivyo muchali mundapulikiske panji muchali mundavimanye makora? * Kasi ntchakuzirwa wuli kutebeteska nthowa iyo yili kusandika na kugomezgeka kwamba kale lose ya “Mazgu ghatanthaulire Mazgu” pakutanthauta na kusanda Mazgu gha Chiuta mwa kutebeteska nthowa iyi? Kungaba wuli kuti munthu munyake wasachizgira kuti wawona Mzgezge mu Chipangano Chakare kwene wakusanga Mfiski wake chara mu Chipangano Chasono? Mungachita wuli pa nthena apa? * Kasi pali nyengo zinyake izo mumbiri ya bina Israyeli izo zingawoneka kuti ndi Mzgezge wa chiponosko cha Chiuta pa banthu bake kwizira mwa Yesu Khristu wa ku Nazareti pa umoyo withu kuno ku lero? Kasi chingaba chinthu chiheni panji chiweme kuti munthu wabazge Baibulo lose pakutebeteska fundo iyi? Longosorani zgoro linu? * Kasi tingapanikizga wuli makani ghakuti Chihema, Usofi na sembe izo bakaperekanga, viphikiro, visopo, kuti ndi Mzgezge wa chiponosko cha Chiuta mwa Yesu Khristu? Kasi tingabambikizga wuli makani agha na Chipangano chasono umo chikumuwonera Yesu Khristu?

2