Ukaboni wa Chipangano chakale pa Yesu Khristu na Ufumu wake, Buku la Msambiri

1 3 0 /

UKABONI WA CHIPANGANO CHAKALE PA YESU KHRISTU NA UFUMU WAKE

na umoza uwo ulipo pakati pa mapangano ghose ghabiri. Kabazgiro na kasandiro aka ka Mazgu gha Chiuta kakukhumbikwa kubikapo lwana lose: tikwenera kusanga na kupanga ndondomeko ya umoyo wa Mzgezge, kusanga kukoleranako na kukozgana kwake pakati pa Mzgezge na Yesu nga ndi Mfiski, kuleke kubikapo mtima chomene patunthu tuchokotuchoko uto tilije chanduro vibi pakuwona ubare wa Mzgezge na Mfiski ndipo tiyezge kukuzga umanyi withu pa Mfiski apo wakufiska kachitiro na mlimo wa Mzgezge. Kusambira na kusanda kwantheura kukutovwira kusanga na kukuzga umanyi withu pa Mazgu gha Chiuta, kusambira kuphara Mazgu gha Chiuta ku banthu makora na lwana lose, mwakupulikikwa, na mwakuwuska nkhumbi, kusanga mnthondwe wa Mazgu gha Chiuta, na kumanya mwakufikapo mzgezge wa Yesu Khristu mu chipangano chakare kwizira mu Mizgezge ya banthu. Banji ba banthu awo mbakuzirwa chomene mu Mizgezge iyo yikusangika mu Chipangano Chakare yikulongora na kutilazgiska kwa Yesu Khristu mu Chipangano Chakare mu mlimo wake nga ndi ntchimi, msofi, na fumu kwizira mu banthu aba, Mozei, Melchizedek, na Davide. Apo Yesu wakuwoneka kwizira mu banthu aba, kabiro ka utebeti wake nkhakuzirwa chomene, mu kabiro kose kabiri, uchindami na kuzirwa kwake. Ulato withu muchigaba ichi cha, Mizgezge ya mu Utebeti wa Uchimi, Usofi, na Ufumu wa Yesu Khristu, ngwakuti timovwirani imwe kuti muwone: • Chipangano chakare umo chikuperekera ukaboni wakufikapo pa umoyo na utebeti wa Yesu Khristu kwizira mu banthu awo ndi Mizgezge, bene awo mbakuzirwa chomene pakati pa bina Israyeli. Mizgezge yikutipa ise ukaboni wa unenesko wose wa Yesu Khristu, yikuwuska nkhumbi mwa ise lakumanya umo nkhani zili kulembekera mu chipangano chakare, kuba na khumbiro lakumusopa Chiuta pa chifukwa cha usambazi wake uwo wuli mu ndondomeko ya chiponosko chake, na kutenerezga ise kuwona Baibulo nga ndi buku limoza msuma, chomenemene ubare uwo ulipo pakati pa mapangano ghose ghabiri. • Vigaba vyakwenelera vya Mizgezge ivyo tikubazga na kusanda vikupereka ungweru uwo ukutovwira kuba na lwana na kupwelerera kukuru chomene mukatebeteskero kithu ka Mizgezge pakuperekera ukaboni wa Yesu Khristu. Tikwenera kulabiska mwachisanisani pa kabiro ka umoyo wa Mizgezge, kupenjerezga umoza na kukozgana uko kulipo pakati pakati pa Mzgezge na Yesu nga ndi Mfiski, tileke kulabiska chomene patunthu tuchokotuchoko uto tulije chakuchita na pakupereka umoza pakati pa Mzgezge na Mfiski, ndipo tilabiske chomene pa vinthu ivyo vikukuzga umanya withu wa Mzgezge na Mfisi kwizira mukulabiska chomene pa ivyo vili mu Mzgezge.

3