Ukaboni wa Chipangano chakale pa Yesu Khristu na Ufumu wake, Buku la Msambiri

/ 1 3 1

UKABONI WA CHIPANGANO CHAKALE PA YESU KHRISTU NA UFUMU WAKE

• Uweme wa kulabiska pa banthu awo ndi Mizgezge pakukhumba kulutirizga kuwona umoza uwo ulipo pakati pa Mizgezge na Mfiski pakukhumba kupereka kulutilira kwa Chipangano chakare mu Chipangano Chasono ukupereka umanyi unandi chomene. Vikusazgirapo kamanyiro kithu pa umoza wa Chipangano chakare na Chipangano Chasono, kusambira kuphara Mazgu gha Chiuta mwalwana, kwenelera kwithu kukura, na kuwuska nkhumbi kubategherezgi bithu, kusazgirapo kamanyiro kithu na kuzukumiska kwa Mazgu gha Chiuta, na kusanga kabiro ka Yesu kakufikapo kwizira mu Mizgezge. • Banji ba banthu bakuzirwa chomene mu Chipangano Chakare bakulongora kabiro ka Yesu Khristu na utebeti wake mu Chipangano Chasono, mu utebeti wake nga ndi Msofi, Ntchimi, na Fumu, mukabiro ka Mozesi, Melchizedek na Davide. Apo Yesu Khristu wakulongoreka mukabiro ka banthu aba, kabiro ka wunthu na mautebeti ghake ngakuru na ghakuzirwa chomene, mu uchindami na kuzirwa kwake. • Mozezi, ntchimi ya Chiuta, ndi munthu mweneuyo muchipangano chakare wakuyimira Yesu Khristu ndipo wakalongora vigaba vinandi vya umoyo wa Yesu Khristu. Umoyo wake ukukoleranako na wa Yesu Khristu munthowa yakuti apo wakaba bonda, bapapi bake bakamubisirizga pachifukwa chakuti Fumu yikapenjanga kumukoma, wakatumika na Chiuta kuti wadangilire bana ba Israyeli kukuwomboreka kwawo kufuma mu charu cha wuzga, wakakanika pakwiza kwake kakwamba. Munthowa yinyake, Mozesi nga ndi Yesu Khristu, wakasankha mwanakazi kufumira kubamtundu munyengo yakukanika kwake, ndipo wakasambira kupulikira, kwizira mukukomwa kwake. Wakabaso mukhara pakati pa Chiuta na banthu apo Chiuta wakaperekanga phangano lake na banthu bake, wakalongora uchindami wa ba Dada, ndipo wakaba thenga la Fumu, kose kubiri, ku banthu ba Chiuta na kubarwani bake wuwo. • Melchizedek, Msofi mulara wa Chiuta chikurukuru, ndi munthu mweneuyo mu Chipangano Chakare wakayimira Yesu ndipo zina lake likukoleranako na Yesu Khristu, pakuba kuti Yesu ndiyo ndi Fumu ya urunji, Fumu ya mtende, mweneuyo wakaba Msofi na Fumu ndipo wakabavye mdauko wuli wose wakumurondezga mukubabika kwake. Nga ndi Yesu Khristu wakachemekanga kuti Msofi wa Chiuta chikurukuru, wakapokera chakhumi kufumira ku banthu ba Chiuta Pamoza na Abrahamu wakutumbikika wa Chiuta, ndipo Usofi wake ngwambura kusintha na wa myirayira.

3