Ukaboni wa Chipangano chakale pa Yesu Khristu na Ufumu wake, Buku la Msambiri

/ 1 6 9

UKABONI WA CHIPANGANO CHAKALE PA YESU KHRISTU NA UFUMU WAKE

kuti nkhwazanadi chara. Mwaunenesko wose, kaghanaghaniro aka kasuskana na umo chipangano chakare chikuphalira makani gha Mesiya na chisambizgo cha mu Chipangano chasono na umo Bapostole ba Yesu Khristu bakasambizgiranga, beneawo bakasambizganga kuti Yesu Khristu wakazguka kubakufwa na thupi lake. Awo bakususkana na kusanda Mazgu gha Chiuta munthowa yakulabiska pa Mizgezge na Mfiski bakuwona mavesi nga ndi agha ndipo bakusuzgika kubika pamoza ukaboni uwu. Kasi imwe mukuwona kuti banthu ba Mboni za Yehova bakutanthaura makora Mazgu gha Chiuta? Kasi kalabiskiro kawo pa Mzgezge nkhakwenelera panji nkhapadera chomene? Kasi munthu wangatebeteska nthowa ya kusanda pakulabiska pa Mizgezge ya Yesu Khristu na kuleka kuwa muviyezgo vyakulondezga vigomezgo vyakupuruska nga ndi vya ba Mboni za Yehova, ndipo kasi wangachitachi kuti waleke kuzgeba? Awo bakukhwaskika na umo Chipangano Chakare chikutebeteskekera na umo chipangano ichi chikuphalira na kulongozgera kwa Yesu bakuzomerezga kuti Yesu Khristu na Bapostole bakatebeteska Baibulo munthowa iyi ya kuwona Yesu Khristu kwizira mu Mizgezge. Nanga wuli fundo izo zikuzomerezgeka, banji bakuyowoya kuti nthowa iyi yingaba yachanduro pakulongora umo Yesu waliri usange pekhapekha tikulabiska pa vinthu ivyo vikuzunurika muchipangano chasono pera. bakupereka suskano lakuti kulabiska chipangano chakare kwizira munthowa iyi kungiziska nthimbanizgo usange palije kupwelera makora pakalabiskiro aka. Bakuyowoyaso kuti suzgo ndakuti kulabiska na kutanthaura Mazgu gha Chiuta munthowa iyi kukupereka mazaza ghose ku munthu uyo wakulabiska na kubazga kwambura kulabiska na jiso linyake lili lose. Kulabiska kwantheura uku kukufinyizga chipangano chakare. Mwachiyerezgero, Yosefe ndiyo panji vyakuchitika vyake vikuwonekera pakweru kuti wakukozgana na Yesu ndipo ndi Mzgezge wakwenelera. Kwene nanga wuli vili ntheura, tikuwonapo chara mlembi wali yose wa chipangano chasono kuti wakuyowoyapo makani agha ghakulinganizga Yosefe na Yesu Khristu. Kasi usange tikutebeteska Yosefe nga ndi Mzgezge wa Yesu Khristu tichita vyakwenelera, pakuti muchipangano chasono palije uyo wali kuyowoyapo kali kose kakuyaniska Yosefe na Yesu? Kasi pali nthowa wuli iyo mungamanya kubikapo mwakuti ndondomeko iyi yibe yakwenelera na yipusu kuyitebeteska kwa munthu wali yose apo wakutebeteska Mizgezge ya mu Chipangano chakare na ubare wawo na Yesu muchipangano chasono? 2 Ndi bekha awo bali kuzunulika mu Baibulo pera, chonde!

3