Ukaboni wa Chipangano chakale pa Yesu Khristu na Ufumu wake, Buku la Msambiri

1 7 0 /

UKABONI WA CHIPANGANO CHAKALE PA YESU KHRISTU NA UFUMU WAKE

Kasi Yesu ndi mutu wakwimira tabanthu?

Nyengo zinyake, katebeteskero kithu ka Mizgezge panji Vikozgo muchipangano chakare kungatilongozgera kukutanthaura Mazgu gha Chiuta mwakwanangika. Mwachiyerezgero, pakati pa nkhwantha zakusambira na kusanda Mazgu gha Chiuta, banji bakuwona kuti Adamu na Yesu, wose babiri ndi mitu ya banthu bawo. Adamu ndi mutu wa banthu awo wose mbakwananga ndipo Yesu ndi mutu wa awo mbakuwombokwa ba Chiuta ndipo iyo ndiyo ndi chata wa bakuwombokwa ba Chiuta awo bati bapokere umoyo wandanda. Apo vyakulondezgapo vya makani agha pakasandiro ka Mazgu gha Chiuta, kakuyowoyeka mwakulongosora makora chomene na Paulosi mu kalata wa ku Baroma chipaturo 5, banji balikupulikiska kuti iwo balije kwananga kuli kose kwene ndi kwananga uko kuli kwiza pa iwo chifukwa cha Adamu mweneuyo wali kwananga pakudankha. Pachifukwa chakuti Adamu wakamugarukira Chiuta, ndipo tili pamoza nayo pachifukwa chakuti tili bamumphapu yake, kwananga kwithu kukwiza chifukwa chakuba bamumphapu yake. Kwananga kwithu kuti kukwiza pachifukwa chakuti tili waka bakwananga chara kwene chifukwa cha Adamu mweneuyo tikutolerako kabiro kake. Kasi kaghanaghaniro aka kangaba kakwangika wuli usange ndimo vinthu vikuwonekera kufumira mu Baibulo? Kasi kutanthaura kwa Paulosi pa ubare wa Adamu na Khristu kufumira pa Baroma 5 na 1 Bakorinto 15, nkhwakutovwira wuli pakusanda na kufufuza makora makani agha mwakuti tipulikiske ubare na umoza uwo wuli pakati pa Yesu na Adamu? Tikusambirapo vichi kufumira mu Mizgezge na Vikozgo kufumira mukatebeteskero ka Paulosi pakugumanya Mzgezge na Mfiski? Kapharazgiro ka banyithu awo bakupharazgira banthu awo bakukhara mumisumba kakupambana na kapharazgiro kabanthu bamukaya. Banthu awo bakuwoneka kuti bakulondezga chomene makani gaha mu chipangano chakare ndi awo bakuphalazgira banthu ba mumisumba kuruska bapharazg bamukaya. Bakutebeteska chomene vinthanguni, vikozgo, nkhani, na mizgezge ya muchipangano chakare. Kanandi kanandi bakujipa wanangwa wakupharazga mwakulabiska nkhani na kulabiska kukoleranako uko kulipo pakati pa Mizgezge na Mfiski wake. Bakuyezgeska kuyaniska banthu ba muchipangano chakare na banthu awo bakubapharazgira. Munyengo zinyake, pakuyezga kusanga umoza na banthu ba muchipangano chakare na chasono, bakusanga umoza weneuwo kuti uliko chara. Kwensio, Yesu wakuwoneka mukaphalazgiro kawo pakuphara nkhani za muchipangano chakare, ndiposo bakulutirizga kupenjerezga mizgezge na vikozgo vya muchipangano chakare mwawanangwa ukuru chomene. Nanga Uweme na Ujira wakupharazga Mazgu gha Chiuta kwalero?

3

3

4