Ukaboni wa Chipangano chakale pa Yesu Khristu na Ufumu wake, Buku la Msambiri

/ 1 7 1

UKABONI WA CHIPANGANO CHAKALE PA YESU KHRISTU NA UFUMU WAKE

wuli banthu banji bakubawona kuti bakumanya kupereka uthenga makora waka, banthu banji bakuwona kuti mbanthu bakutondeka chomene ndipo bakubasuska. Tizomerezge kuti bapharazgi aba bakutemweka chomene na banthu. Kasi imwe mukuwona kuti bakupharazga makora ndipo kasi bakutebeteska makora Chipangano chakare? Yesu bakumupharazga makora kubanthu? Chipangano chakare chikupereka ukaboni wankhongono na wakukhora chomene pa umoyo na utebeti wa Yesu Khristu kwizira mubanthu ba Mzgezge na balongozgi bakumanyikwa chomene mu mbiri ya Israyeli. Banthu awo ndi Mzgezge bakutipa ise unenesko wose wa umoyo na utebeti wa Yesu Khristu, na kuwuska nkhumbi mukati mwithu kuti tikhumbisiske kusambira na kumanya unenesko wakukhwaska Mesiya, na kukhumba chomene kumusopa Chiuta chifukwa cha usambazi wa uchizi wake wa kuponoska banthu. Tikwenerezgekaso kubazga Baibulo lose nga ndi buku limoza, chomenemene pakuwona umoza uwo wuli pakati pa matestamente ghose ghabiri. Kusambira na kusanda Mazgu gha Chiuta kwamtundu uwu kukukhumbikwa lwana lose: tikwenera kupanga ndondomeko yachisanisani ya umoyo wa Mzgezge, kukozgana kwake na Yesu Khristu na umo Yesu Khristu waliri Mfiski. Tijikanizge chomene kukora tufundo tuchokotuchoko uto tungamanya chara kulongozgera kuvyakukhumbikwa pa kusanda na kusangamo Yesu Khristu nga ndi Mfiski. Kusambira kwa nthena uku kukutovwira kuti tisange umanyi unandi wa Mazgu gha Chiuta, kuzirwa kwake, kusanga unenesko na uweme wa Mazgu gha Chiuta. Banji ba banthu bakuzirwa chomene muchipangano chakare bakutilazgiska kwa Yesu Khristu, wunthu na mlimo wake, ndi Mozesi, ntchimi ya Chiuta, Melchizedek, Msofi wa Chiuta na Davide, Fumu ya banthu ba Chiuta. Apo Yesu wakuwonekera mu umoyo wa banthu aba, kabiro na kachitiro kake kakuruska wose awo bakumuyimira mwa Mizgezge mu chipangano chakare. Banthu banji mu chipangano chakare bakukhumbikwa kupika ntchindi mwapadera apo tikusanda umoyo na mlimo wawo chifukwa bakutilongozgera kukupulikiska utebeti na mlimo wa Yesu Khristu nga ndi mutu wa banthu, mponoski wa mbumba yake, na wa nkhondo wa Chiuta. Banthu aba ndi Adamu, Yosefe, na Yoswa. Adamu wakachita mwakupambana na umo Yesu wakachitira pakuti Adamu wakatondeka pa maso pa Chiuta ndipo wakiziska urwirwi pamaso pa Chiuta, Yesu wakiziska umoyo wa myirayira kubanthu, Yosefe, mponoski wa mbumba yake, ndiyo panji tingati ntchizgezge chakufikapo cha Yesu Khristu muchipangano chakare. Munthowa zakuzukumiska na za kupereka ntchisko, umoyo wa Yosefe ukutilazgiska kukumumanya Yesu makora. Umoyo wa Yoshuwa mulara wankhondo ya Fumu ndi munthu wa muchipangano chakare mweneuyo nkhondo zake zikukozgana na za Yesu Khristu umo wakalwera na murwani withu

Kulongosora Fundo ya Chisambizgo

3