Ukaboni wa Chipangano chakale pa Yesu Khristu na Ufumu wake, Buku la Msambiri

/ 1 7 9

UKABONI WA CHIPANGANO CHAKALE PA YESU KHRISTU NA UFUMU WAKE

mwakusazgirapo 1) umo wakulongosolera Yesu pa makani gha uchimi wa mu Chipangano Chakare na za iyo mwene, 2) umo Bapostole bakuyowoyera na umo bakupulikira makani gha uchimi wa Mesiya kufumira muchipangano chakare, chomenemene umo bakupharazgira mu buku la Milimo, kweniso 3) umo mpingo ukutebeteskera kutanthaula kwa Bapostole uchimi uwo ukukhwaska Mesiya muchipangano chakare na bakamupulikira kutanthaula kwa Yesu chipangano chakare pa makani gha Mesiya. • Konkhoskani na umo layizgo la Chiuta lili kusanuzgikira na kukhwaska banthu wose pakusazgako banthu bamtundu pa chigomezgo icho chili mwa Mesiya, mwakusazgirapo uvumbuzi wa mthondwe uwo ukupereka chiponosko na kubanthu ba mtundu pakuba bahaliri ba chiponosko cha Chiuta na Ufumu wa Chiuta, na mauvumbuzi agho ghakupereka ungweru pakwiza kwa chiponosko cha banthu bamitundu (mwachiyerezgero, mbeu ya mwanakazi yiti yiphwanye mutu wa njoka, banthu wose bamucharu bati baponoskekenge na kutumbikira kwizira mwa Abrahamu, na umo Mesiya wati wabenge muliko ku banthu bamtundu. • Longorani umo vigaba vyakupambanapambana vya Mesiya mu Chipangano Chakare vikapulikiskikanga na Bapostole mwapachokopachoko kuti vikang’anamuranga chiponosko cha Chiuta ku banthu wose, mwakusazgirapo kupungurika kwa Mzimu Mtuba pa munthu wali yose, na kusazgikirapo kwa bamtundu kuba bahaliri Pamoza na banthu ba Chiuta ba vyamchindindi vya Chiuta na phangano la Abrahamu. • Pharani zinji mwa nthowa izo mauvumbuzi gha Mesiya muchipangano chakare ghakatebeteskekanga na Bapostole mu buku la Milimo na mu makalata, mwakusazgapo kwiza kwa Mzimu Mtuba pa banthu, kukanika kwa Mesiya na bazengi (mphapu ya ba Yuda), Yesu nga ndi mliko wa banthu bamitundu, kuzengekaso kwa chihema cha Davide, mwakusazgirapo bamtundu, na uchiburumutira wa banthu pakuleka kumumanya Mesiya (ba Yuda) pachifukwa cha kunonofya kwa mitima yawo. Kweniso, bakuzunura kupharazgika kwa uthenga uweme ku charu chose chapasi, kuwuska sanje za ba Yuda, na chitumbiko cha Abrahamu pa bamitundu. • Pharani mwaufupi uchimi wa muchipangano chakare pa Mesiya kwakuyana na ba mtundu, kuti Yesu wali kufiska layizgo la Chiuta la chiponosko ilo wakapereka kwa Abrahamu pera chara, kweniso wali kupereka layizgo lakuponoska banthu bamitundu yose.

4