Ukaboni wa Chipangano chakale pa Yesu Khristu na Ufumu wake, Buku la Msambiri

1 8 0 /

UKABONI WA CHIPANGANO CHAKALE PA YESU KHRISTU NA UFUMU WAKE

Ndimwe banthu bane chara kwene muti mubenge banthu bane!

Kujipereka

Hoseya. 1.1-10 Agha ndi mazgu gha Fumu agho ghakiza kwa Hoseya, mwana wa Beyeri, pa nyengo izo Uziya, Yotamu, Ahazi, na Hezekiya ŵakawusiranga charu cha Yuda, na pa nyengo iyo Yerobowamu, mwana wa Yowashi, wakawusiranga charu cha Israele. Muwoli wa Hoseya na ŵ ana ŵ akhe 2 Para Fumu yikamba kuyowoya ku ŵaIsraele mwa Hoseya, yikamuphalira yikati, “Ruta ukatore mwanakazi muzaghali na kubaba nayo ŵana ŵeneawo ŵati ŵaŵenge ŵazaghali. Pakuti ŵanthu ŵa charu ichi ŵaŵa ŵambula kugomezgeka pakundisida ine Fumu.” 3 Ntheura Hoseya wakaruta na kuya katora Gomere mwana wa Dibulayimu. Iyo wakaŵa na nthumbo na kumubabira mwana mwanarume. 4 Sono Fumu yikati kwa Hoseya, “Mwana uyu umuthye kuti Yezireyele pakuti sonosono apa nditi ndilange mbumba ya Yehu chifukwa cha ŵanthu awo wakakoma mu msumba wa Yezireyele. Ine nditi ndimarizge ufumu wa Israele. 5 Pa zuŵa leneilo ndamkumarizga nkhongono za ŵaIsraele mu dambo la Yezireyele.” 6 Gomere wakaŵaso na nthumbo ndipo wakababa mwana mwanakazi. Fumu yikati kwa Hoseya, “Mwana uyu umuthye kuti, ‘Tinkhani’, chifukwa nditi ndiŵe na chiwuravi na ŵaIsraele chara nanga nkhuŵagowokera, na pachoko pose. 7 Kweni ndamkuŵa na chiwuravi na ŵaYuda. Ndamkuŵathaska ndekha, ine Fumu, Chiuta wawo. Ine kuti ndamkuŵathaska pakurwa nkhondo na mauta, panji na malupanga, panji na mahachi, panji na ŵanthu ŵakukwera pa mahachi chara.”8 Gomere wakati wamurumura Tinkhani, wakaŵaso na nthumbo ndipo wakababa mwana wanarume. 9 Ndipo Fumu yikati kwa Hoseya, “Mwana uyu umuthye kuti ‘Mbanthu ŵane chara’, pakuti imwe ŵaIsraele ndimwe ŵanthu ŵane chara, ndipo ine kuti ndine Chiuta winu chara.” Chiuta wapokererengeso ŵ aIsraele 10 Ndipouli ŵaIsraele ŵati ŵaŵenge ŵanandi nga ndi muchenga wa mu nyanja uwo kuti ungapimika nanga nkhupendeka chara. Pa malo apo Chiuta wakayowoya na za iwo kuti, “Ndimwe ŵanthu ŵane chara,” penepaposo ŵizamkuyowoya kuti, “Ŵana ŵa Chiuta wamoyo.” Panji palije chinthu icho chikupereka maghanoghano na kupweteka mu mtima kuluska kukanika panji kutoreka kuba wakuwaro. Pali kubinya uko munthu wakupulika pachifukwa chakuleka kutoreka kuba yumoza wawo. Ukuba mulendo ndipo ukubaje malo pakati pabanyako. Mwasoka, banthu banandi bakukhara na kabiro kantheura aka, kambura kuba yumoza wawo panji wakuwaro, dazi na dazi. Balije mbumba panji wupu uwo bakubazomera. Nyengo izo tilimo ndimo banthu bakukhalira mwantheura, kwambura banyawo. Chimoza mwa vinthu vyakuzirwa chomene muchisambizgo cha mu chipangano chakare ndi kusazgikako kwa banthu ba mitundu mu chiponosko cha Chiuta. Kasi banthu bamitundu bali na malo wuli muchiponosko cha Chiuta? Kasi bali kughanaghanirikapo kuti mawo mbakukhumbikwa chiponosko? Apo Chiuta wakapangana kuponoska banthu kasi bamitundu nawo bakabamo muphangano ili? Kasi tighanaghane wuli na umo Chiuta wali kubira na khumbiro la kubwangandura na kumazga mlimo na utebeti wa murwani Satana, kuwuskako

4