Ukaboni wa Chipangano chakale pa Yesu Khristu na Ufumu wake, Buku la Msambiri

/ 1 8 1

UKABONI WA CHIPANGANO CHAKALE PA YESU KHRISTU NA UFUMU WAKE

nthembo na kujiponoskera banthu kwa iyo mwene, awo bamkukhara mucharu chipya icho wati walengenge? Hoseya wakaba ntchimi munyengo iyo Fumu zakuzirwa na kumanyikwa chomene mu Fuko la Yuda zikawusanga, na munyengo ya Fumu Yerobowamu ya Israyeli. Mlimo wake wakwamba kufumira kwa Yahweh ukaba wakuti watore mwanakazi “mlebi” nakubabirana nayo bana chifukwa chakuti charu chikanjira mu ulebi kuwuzimu. Hoseya wakatora mwanakazi wake Goma ndipo wakababirana nayo bana, ndipo bana aba ndiwo bakavwira Hoseya kupereka uthenga wa Chiuta mwakwenelera kubanthu bake. Mwana wake wakwamba wakamutya Jezreel (kukhwaskana na chilango), mwana wake mwanakazi uyo wakaba wachibiri wakamutya Kulije Lusungu (Chifukwa Chiuta wati wabenge na Lusungu chara na banthu bake). Mwana wake wachitatu wakaba mwanarume ndipo wakamutya kuti Muli banthu bane chara, chifukwa banthu ba mu Israyeli wakabakana kuti banthu bake chara. Ndipo wuli, mulusungu lwake lwa Chiuta, unandi wa bana ba Israyeli babenge banandi bambura mapendeko, ndipo awo mbanthu bake chara bati babenge banthu bake, bana ba Chiuta wamoyo. Uwu ndiwo weruzgi wa Chiuta pa banthu bake awo bataya urunji. Kwene usange tikuwona na kutebeteska uchimi wa Chiuta uwu pa mpingo wa Chiuta, Paulosi wakubazga Uchimi uwu na kuwusanuzgira ku banthu bamucharu chose beneawo mbalendo ku chitemwa na lusungu lwa Chiuta, uwo ndi Mpingo. Kwa awo mbalendo mu phangano la Chiuta, bakaghanaghanirikanga chara kuti mbamumbumba ya Chiuta. Mavesi ghachoko waka ghakukhozgera fundo iyi. Baroma 9.22-26 – 22 Ndipo ndi ntheura pera na umo Chiuta wakuchitira. Iyo wakakhumba kurongora ukari wakhe na nkhongono zakhe kuti ŵanthu ŵavimanye. Kweni wakaŵazizipizgira chomene ŵanthu awo wakaŵakaripira ŵeneawo ŵakatenge waŵamare petu. 23 Chiuta wakakhumbaso kuti usambazi ukuru wa uchindami wakhe umanyikwe kwa ise, weneuwo wakatipa ise tili chakurata cha lusungu lwake, taŵeneise wali kutichema kuti tipokere uchindami wakhe. 24 Chifukwa ndise ŵanthu awo Chiuta wali kuchema, kufuma mu ŵaYuda pera chara, kweni na mu ŵamitundu wuwo. 25 Nga ndi umo Chiuta wakuyowoyera mu Buku la ntchimi Hoseya kuti, “Awo kuti ŵakaŵa ŵanthu ŵane chara, ndiŵachemenge ŵanthu ŵane. Ndipo mtundu wa ŵanthu uwo ukawura kutemweka, nditi ndiwucheme ‘Wakutemweka wane.’” 26 Ndipo ku malo gheneagha ŵakaphalirika kuti, ‘Ndimwe ŵanthu ŵane chara.’ Paulosi apa wakuphara kuti ndondomeko ya Chiuta yakuponoskera banthu kwa iyo mweneko, nanga ndi awo mbamtundu, chikaba chinthu icho wakaba nacho pamtima wake kale lose, pamtendeko. Tawona kale kufumira mu Vya

4