Ukaboni wa Chipangano chakale pa Yesu Khristu na Ufumu wake, Buku la Msambiri

/ 1 8 3

UKABONI WA CHIPANGANO CHAKALE PA YESU KHRISTU NA UFUMU WAKE

icho Chiuta wakupereka kwizira mwa Yesu Khristu (Heilsgeschichte). Usange basekuru awo ndi mizati na misisi ya fuko ndiwo mbatuba, ndikuti banthu wose nawo mbatuba. Mbakutemweka ba Chiuta pachifukwa cha bapapi bawo, vyawanangwa na bakuchemeka ba Chiuta. Baroma 11.28-32 “28 Chifukwa cha kukana Uthenga Uweme, ŵaYuda ŵakazgoka kuŵa ŵarwani ŵa Chiuta kuti Uthenga Uweme wize kwa imwe ŵamitundu. Kweni chifukwa chakuŵa mtundu wakusoreka, Chiuta wakaŵatemwa ndipera chifukwa cha ŵawiskewokuru. 29 Pakuti vyawanangwa na nchemo ya Chiuta pa munthu vikupokekaso chara. 30 Imwe mwa ŵamitundu kale mukaŵa ŵambula kupulikira Chiuta, kweni sono Chiuta wakumuchitirani lusungu chifukwa chakuwura kupulikira kwa ŵaYuda. 31 Ntheura pera chifukwa cha lusungu ulo mwapokerera, sono ŵaYuda ŵaŵa ŵambula kupulikira Chiuta, mwakuti nawoso ŵapokerere lusungu lwa Chiuta. 32 Pakuti Chiuta wali kuŵazgora ŵanthu wose kuŵa ŵakayidi ku kuwura kupulikira, mwakuti warongore lusungu lwakhe ku wose.” Baibulo likuphara pakweru kuti chiponosko cha Chiuta ntcha baYuda ndipo bamtundu bakuchita kusazgikirako chifukwa cha chisungusungu na wezi wa Chiuta. Vipaturo vichoko waka vikukhalira ukaboni pa fundo iyi. Baroma 9.3-5 – 3 Ndakhumba kuti mphanyi ine ndaŵa wakutembeka kwa Chiuta na kuwuskikako kwa Khristu chifukwa cha ŵabali ŵane awo mba mtundu wane. 4 Iwo aŵa mbaIsraele ŵeneawo Chiuta wali kuŵazgora kuŵa ŵana ŵakhe, ndipo wali kuŵavumbulira uchindami wakhe. Wakaŵa na mapangano na iwo, ndipo wakaŵapa marango ghakhe. Ŵanthu aŵa ŵakusopa mu unenesko ndipo ŵali kupokera malayizgano gha Chiuta. 5 Ŵanthu aŵa ndi mphapu ya ŵasekuru ŵithu ndipo Khristu wakafuma ku fuko lawo, kwakuyana na unthu. Chiuta mweneuyo wakuwusa vyose wachindikike kwa muyirayira, Ameni. Baefeso 2.11-13 – 11 Ntheura kumbukani kaŵiro kinu kapakudanga imwe mwa ŵamitundu mwaŵeneimwe mukuchemeka “Ŵambula kukotoreka” na ŵaYuda awo ŵakujichema “Ŵakukotoreka” chifukwa cha kaluso ka thupi ako kakuchitika na mawoko gha ŵanthu. 12 Kumbukani kuti pa nyengo yira mukaŵa patali na Khristu, ndipo mukaŵa ŵalendo mu wenenawene na ŵaIsraele na ku mapangano agho Chiuta wakalayizga ku ŵanthu ŵakhe. Ndipo mukakharanga mu charu ichi ŵambula chigomezgo na ŵambula Chiuta. 13 Kweni sono mwa Khristu Yesu, imwe kale mukaŵa kutali na Chiuta, mwaguzikira pafupi chifukwa cha ndopa za Khristu. ~ George Eldon Ladd. A Theology of the New Testament . Grand Rapids: Eerdmans Publishing Company, 1974. pp. 537-38.

4