Ukaboni wa Chipangano chakale pa Yesu Khristu na Ufumu wake, Buku la Msambiri

/ 1 8 7

UKABONI WA CHIPANGANO CHAKALE PA YESU KHRISTU NA UFUMU WAKE

kwakuyana na zinyengo umo vinthu vichitikirenge. Chakuzirwa chomene ndi umo mapangano ghose ghabiri bakufiskikira mwa Yesu Khristu nga ndi Mfiski wa uchimi wakukhwaska Mesiya. Chakukhumbikwa chomene pakulondezga ndondomeko ya Mesiya nkhumanya kulondezga makani kufumira apo uchimi wa Mesiya ukambira, pa mbeu ya mwanakazi mu buku la Vya mu Mtendeko 3:15, Layizgo lakusangika kwa Chiuta muchihema cha Seth, Mbeu ya Abrahamu, ndondomeko ya Isake kwizira mu mbumba ya Yakobe, wa mumphapu na mtundu wa Yuda kufumira mwa Boaz, Obed, Jesse na Davide, kufikira kwa Yesu Khristu wa ku Nazareti mfiski wa ukaboni wa Chipangano chakare. Ndi umo Yesu na Bapostole bakabazgiranga na kutebeteska Chipangano chakare pa umoyo wa Yesu Khristu—ma uvumbuzi agha ghakupereka ungweru pa kapulikiskiro kithu na umo Yesu wakatebeteskeranga Chipangano chakare, bakabambikizganga mapangano ghose ghabiri (nga ndi umo Agustine wakasachizgiranga, chipangano chakare chili kuvumbukwa muchipangano chasono), ndipo pa umaliro, basambiri bake bakulongora kuti Yesu wa ku Nazareti ndi mfiski wa uchimi na uvumbuzi wa muchpangano chakare ndipo ndiyo ndi Mesiya. Fundo zikuruzikuru za uchimi wa Mesiya mu chipangango chakare zikukhwaska kubabika kwake, kukomwa kwake, na kufwa kwake, kuzguka kwake, na kwizaso kwake mu uchindami wake. Munthowa zose, ukaboni ukuru na wapakweru chomene wa uvumbuzi na uchimi wa muchipangano chakare ngwakuti Yesu wa KuNazareti ndiyo ndi Mesiya, kwakuyana na ukaboni ukuru uwo ukuwoneka kufumira muchipangano chakare na kufiska kwake mlimo wose wa Mesiya, pa umoyo, utebeti, na ufumu wake uwo ukwizaso. Ulato withu muchigaba ichi cha Kufiskika kwa Malayizgo ghakwiza kwa Mesiya muchipangano chakare, ngwakuti mumanye kuwona vinthu ivi: • Kupereka ching’anamuro cha lizgu lakuti Mesiya, mu chi griki, messias, mu chiAramaic icho ntchibare chake cha chiheberi mashiach, icho chikung’anamura kuti “wakuphakazgika wa Chiuta” ndipo muchipangano chasono Christos icho chikukozgana waka na “wakuphakazgika wa Chiuta” muchipangano chasono. • Kupereka mwachisanisani kabiro ka uchimi wa Mesiya, mwakusazgirapo kalabiskiro kake pa kuthaskika kwa banthu ba Chiuta, katebeteskero ka zintharika pa kuphara makani ghake, kuphara vyakunthazi, mukayowoyero kake kakurongora kulutilira kwa uvumbuzi ngati kuti vinthu vili kuchitika kare kweniso na kabiro kake kakulongora kuleka kupulikiskika mundondomeko yake yakachitikiro ka vinthu na nyengo iyo vifiskikenge. Kawonekero na kabiro kake kakuru chomene nkhukoleranako kwa

4