Ukaboni wa Chipangano chakale pa Yesu Khristu na Ufumu wake, Buku la Msambiri

1 8 8 /

UKABONI WA CHIPANGANO CHAKALE PA YESU KHRISTU NA UFUMU WAKE

makani gha muchipangano chakare na chasono pa makani ghakuti Yesu ndiyo ndi Mfiski wa Mizgezge yose ya muchipangano chakare. • Konkhoskani mudauko wa Mesiya nga ndi umo wuli kuperekekera muchipangano chakare, umo mukusazgikamo mbeu ya mwanakazi mu buku la Vya mu Mtendeko, mu mphapu ya Seth, mbeu ya Abrahamu, mbumba ya Isake, kwizira mwa Yakobe, mumdauko wa Yuda kwizira mwa Boaz, Obed, Jesse, na Davide mpaka kwa Yesu Khristu wa ku Nazareta. • Longorani kuzirwa kwa uchimi wa Mesiya mu Chipangano Chakare pa kupulikiska ukaboni wake wa Yesu Khristu: ndimo Yesu na basambiri bake bakabazgira na kupulikiska ivyo chipangano chakare chikayowoyeranga na kupanikizgira kwiza kwa Mesiya, umoyo na utebeti wake. Bakagumanyanga mapangano ghose ghabiri, chipangano chakare na chipangano chasono (nga ndi umo Augustine wakasachizgira, kuti Chipangano chakare chili kuvumbukwa mu Chipangano chasono) ndipo pa umaliro, Yesu Khristu wa ku Nazareti wakufiska uchimi wa Mesiya mweneuyo banthu bakakhazganga. • Kupereka mwaufupi fundo zikuruzikuru izo zikuperekera ukaboni wa Mesiya na Ufumu wake mu Chipangano chakare, mwakusazgirako uchimi wakukhwaska kubabika kwake mu msumba wa Betelehemu, wakudangilira kwiza kwake, na zina lake la Emanuwele. • Pharani mwakulongosora uchimi wakuphara kwiza kwa Mesiya, umoyo wake, na makani ghakudangilira mwa kuphara kwiza kwake, mazgu ghakukoromoka mumapopa, uChiuta wake, chinthu cha mtondwe, mukhumbirizgi, Chiuta wa nkhongono zose, Dada wa muyirayira, na Fumu ya Mtende, wakuphakazgika wa Chiuta mweneuyo ndi mtebeti wa Chiuta, na Ufumu wake weneuwo banthu bakukhazga na kuwusa kwake. Mwakulutilira, kulongosora kwinu kukwenera kusazgirapo utebeti wake nga ndi libwe la pachinkhodya la ulato wa Chiuta wakuponoska banthu bake, mlimo wake wakuba lumuli ku bamitundu, na mlimo wake nga ndi msofi na Fumu. • Pharani fundo zikuruzikuru izo zikukhwaska phamphu la Khristu, umo muli kukomwa na kufwa kwake, kusazgirapo (nanga wuli ndi ivi pera chara) kukomwa kwake na nyifwa yake, uchatonda wake (kunjira mumalo kwake) kupwetekeka kwake chifukwa cha zakwananga za banthu, urwirwi uwo ukaba pa iyo, kuperekeka na barwani, mawoko na malundi ghake kudoloreka, kweruzgika mwautesi na kwambura urunji na vyakulondezgapo, na nyifwa yake.

4