Ukaboni wa Chipangano chakale pa Yesu Khristu na Ufumu wake, Buku la Msambiri

5 0 /

UKABONI WA CHIPANGANO CHAKALE PA YESU KHRISTU NA UFUMU WAKE

MAKANI GHA CHIYEREZGERO

Likaba Baibulo lithu la ta baHeberi pambere lindabe Chipangano chinu Chakare Tiyezgelere kuti muchikaya chinu banthu bayamba kujitolera dango mumawoko ghawo ndipo viwawa vyazgoka kakhaliro kabanthu kwa kanyengo katali. Mwakukhumba kulongora umoza na kukoleranako, mawupu ghanandi gha visopo vyakupambana – pambana viza Pamoza na ulato wakudumbirana na umo bangagumanyira banthu Pamoza, kupana ntchindi na kukwezga mtende. Apo yumoza wa banthu wakamba kupereka maghanoghano ghake pa “Chipangano Chakare,” yumoza wa basambizgi wa vya Chiuta wakamba kuyowoya mwantchisko kwene mwankhongono, ndipo wakati: “Nkhumanya kuti banandi ba banthu awo bali pano mbakhristu ndipo bakutemwa kuyowoya mwakupanikizgira ivyo bayowoya kufumira mu chipangano chakare, kwene ine nkhuphara kuti pa ungano withu pano, tilabiske Chipangano Chakare cha Baibulo kuti ndi Baibulo la ba Heberi. Nga ndi umo mukuwonera, kwa ise, bakupulikana ba chi Yuda, Chipangano Chakare likaba Baibulo lithu pambere lindabe Chigaba cha Baibulo linu imwe mwa baKhristu. Kasi tinganangiska kuti tilizunulenge mwantheura apo tikudumbirana mwakupana ntchindi, na kukhozga umoza withu?” Kasi imwe mungamuzgorachi musambizgi uyu? Kasi pali suzgo wuli pakulabiska Chipangano Chakare kuba Buku la ba Yuda kuluska kulilabiska nga ndi umo bakhristu bakuliwonera kuti ndi chigaba cha Baibulo, Chipangano cha Chiuta chakare? Kasi kuwona Baibulo la ba Yuda nga ndi Chipangano chakare cha bakhristu kukutovwira wuli panji kukuchefya wuli kuzirwiska kwithu kwa chigaba cha Baibulo mukalabiskiro kithu na katebeteskero kithu ka Chipangano Chakare? Chipangano Chakare na kukhozga bakupulikana Vili pakweru nkhanira kuti Mazgu gha Chiuta agho Paulosi wakayowoyanga na igho pa 2 Timoti 3, agho ghakumupanga mtebeti wa Chiuta kuba wakwenelera pakatebetero kake, ghakafumira muchipangano chakare. Baibulo la Yesu na Bapostole likaba, muwunenesko wose, la Chipangano Chakare, ndipo Bapostole bakalitebeteskanga chomene apo bakalembanga makalata ghawo ku banthu ba mipingo yakupambana – pambana. Munthowa yinyake, mu mipingo yinyake, Chipangano chakare chili kulekeka. Chikubazgikaso chara ndiposo banandi bali kuleka kutebeteska. Banji bakukhwaskako waka mwakujumphamo kwambura kutolera mwa lwana chipangano ichi. Mwa unenesko wose, kulijowora uku kwapangiska kuti banthu baleke kumanya mwakupanikizga makora chipangano chakare, chomenemene awo bandapulikepo makora makani gha mu Chipangano Chakare. Kasi tingapangachi na kulekeka kwa Chipangano chakare mu mipingo yithu? Kasi titole kuti mbwenu ndimo nyengo zabira, chinthu icho chiza na kukhara pakati pithu, panji ntchinthu chikukhumbikwa kuti tichitepo kanthu?

1

1

2