Ukaboni wa Chipangano chakale pa Yesu Khristu na Ufumu wake, Buku la Msambiri

/ 5 1

UKABONI WA CHIPANGANO CHAKALE PA YESU KHRISTU NA UFUMU WAKE

Kasi tingati ntchipulikano cha bamitundu?

Usange mwanguba bambura kumanya, munthu wambura kupulikiska wangamanya kutora chikhristu ngati ndi chisopo cha bazungu, chinthu icho chili kwamba chifukwa cha chigaruka icho bakupulikana ba kugarukira chikatorika bakapanga kale, muvimika vya mu mgonezi wa 16 th Century mu charu cha bazungu. Ndipo pali chakusuzga kuti bazungu bakoleske na kuthuwuska kaghanaghaniro aka chifukwa kali kufumira kwa iwo. Mwasoka, pali wupu wa banthu uwo sono Wayamba kuwukira chikhristu, chifukwa bakuwona kuti chikhrustu chili Pamoza na bazungu awo nkharo yawo njakujitemwa na kusankha bafipa pakubakawulira kutali na iwo. Pali wupu uwo ukulutilira kukulira kulira uwo ukukhumba kuti chkhristu chibikike mu kabiro ka bafipa kuluska umo chiliri pasono apo chikukuzga chomene kabiro na nkharo ya bazungu. Maluso ghabazgungu ghali kubatikika mukachkristu ndipo kukuba ngati kuti chkhristu ntchachitiro kose ka bazungu. Banthu banandi awo bali na kaghanaghaniro aka bakuchikana chikhristu pambere bandanjiremo chara nanga nkhupulika makani gha Yesu Khristu nga ndi umo ghali kulembekera mu Chipangano chasono na chakare wuwo. Kasi tingachita wuli kuti banthu bamanye makora umo Chipangano chakare chili kuyowoyera na makani agha mwakuti tiwovwire banthu kupulikiska na kuchitora chikhristu kuti ntchawo na kukhara bakhristu kwambura kughanaghanira mwa ujira? Tiyerezgere kuti, muwukirano munyake mu mpingo winu wakazukuma na umo ba wukirano banandi bakatondekera kumanya nkhani za mu Chipangano Chakare. Bakawura kumanya nkhani zikuru – zikuru za vinkhara vya muchipangano chakare nga ndi Eliya, Elisha, Mosesi na banji. Pakukhumba kumazga suzgo ili, mulongozgi wakambiska visambizgo na mutu wakuti “Zinyengo zakuzirwa” apo wakatoranga zinyengo za muchipangano chakare na kulongora umo zikukoleranako na Khristu na Ufumu wake nga ndi umo zili kuyowoyekera mu Chipangano Chasono. Pakati pajumpha masabata ghachoko waka, kapulikiskiro ka bawukirano kakasintha chomene. Banji bachiwukirano bakawona kuti visambizgo vikaba vinonono na vyambura kupulikiskika bakaleka kwizako, banji bakasanga kuti visambizgo vikaba vyakupulikikwa kwene vyambura chanduro kuno kulero. Wupu uchoko waka ndiwo ukawonanga kuti visambizgo ndivyakwenelera ndipo ukukura na kwamba kupulikiska makora umo Baibulo likuyowoyera. Kuchichizgika kukura mu mpingo kufumira ku banthu awo bakukhumba kuti bawelere kuvisambizgo vyakare ivyo vikaba vipusu – vipusu, kwene mlongozgi wakulimbikira kusambizga nipera kuti wamalizge visambizgo vyose ivyo vitolenge myezi yitatu kuti vimale. Usange mulongozgi wa bawukirano wangamufumbani maghanoghano ghinu Ntchinthu chinonono chomene na chambura fundo

3

1

4