Ukaboni wa Chipangano chakale pa Yesu Khristu na Ufumu wake, Buku la Msambiri

5 2 /

UKABONI WA CHIPANGANO CHAKALE PA YESU KHRISTU NA UFUMU WAKE

kasi mungamuzgorachi, mwakuti Chipangano Chakare chitore malo ghake mukapulikiskiro ka Baibulo na chipulikano chithu kwambura kukhubazga banyithu ba chipulikani chichoko?

Ubare wa Chipangano Chakare na Chipangano Chasono ungamanya kupulikiskika makora usange tikupulikiska makora fundo ya uvumbuzi wakulutilira, wene wuwo ukukhozga fundo yakuti Chiuta wali kujivumbura mwapachoko – pachoko ndipo mwakupanikizga, mu mbiri ya banthu, pa umaliro mwa Yesu Khristu. Chiuta munthowa zakupambanapambana, munyengo zakupambanapambana, wali kujivimbura ku banthu ba mtundu wa Isirayeli, kwene mu mazuba ghano gha umaliro wali kuyowoya na kujivumbura kwizira mwa Yesu Khristu. Yesu Khristu wa ku Nazareti ndiyo mbuvumbuzi wa Chiuta wa umaliro na wakufikapo, mwene uyo Mazgu gha Chiuta ghakuphara pakweru. Nga ndi umo Augustine wakuyowoyera kuti, “Mu Chipangano Chakare, Chipangano Chasono chili kubisikamo, ndipo Mu Chipangano Chasono, Chipangano Chakare chikuvumbukwa” Mapangano ghose ghabiri, Chipangano Chakare na Chipangano Chasono, vikukoleranako, Chipangano Chakare chikupereka lufura na jando la Chipangano Chasono ndipo Chipangano Chasono chikupereka umaliro wa uvumbuzi wa Chiuta mwene uyo ndi Yesu Khristu. Chipangano chakare chikukhazga umaliro wa uvumbuzi wa Chiuta uwo ntchiponosko mwa Yesu Khrstu. Mwakulutilira, Chipangano Chakare mbuvumbuzi wa Chiuta wambura kufiskika, Chipangano Chasono chikuwoneka kuba layizgo la Chiuta lakufiskika na kusanuzgikira ku banthu wose, ndipo Chipangano Chakare mbuvumbuzi uwo wuli kuperekeka mwakufinyikizgika kubana ba Isirayeli pera. Ubare wa Matestamente ghabiri agha ukuwoneka mu fundo ya layizgo na kufiskika kwake , chomenemene umo Chipangano Chasono chikukhozgera umo mlimo wa Chipangano Chakare ukuperekera ukaboni na kupanikizira Mesiya na mlimo wake, wene uwo ukufiskikira mwa Yesu Khristu mu mbiri ya bapapi ba mtundu wa baYuda na fuko na la Israyeli, ma uchimi gha Mesiya na dango la ukhaliro. Fundo yikuru iyo yikugumanya uvumbuzi wose wa Baibulo mu Mazgu gha Chiuta ndi fundo ya layizgo na kufiskika kwake. Fundo iyi yikukuzga umoza wa Baibulo; Chiuta wali na ulato wakujivumbura na kuponoska banthu bake kwizira mu mphapu ya Abrahamu. Munthu uyu wakusangika kuti ndi Yesu Khristu wa ku Nazareti, Mesiya. Mazgu gha Chiuta agho ghakukhozgera makani agha ndi agho ghakusangika mu buku la Vya mu Mtendeko 3.15, apo pali makani ghakupharazgika kwa uthenga uweme kakwamba ( protoevangelium) . Apa Chiuta wakulayizga kubikapo thinkho pakati pa mphapu ya mwanakazi na ya njoka, kupwetekeka kwa chitende cha mwana wa mwanakazi na kuphwanyika kwa mutu kwa njoka na mwana wa mwanakazi. Mu Chipangano Chasono, Yesu wa ku Nazareti wakuvumbukwa kuba mbeu wakufuma mwa mwanakazi, wa mphapu

Kulongosora Fundo ya Chisambizgo

1