Ukaboni wa Chipangano chakale pa Yesu Khristu na Ufumu wake, Buku la Msambiri

6 2 /

UKABONI WA CHIPANGANO CHAKALE PA YESU KHRISTU NA UFUMU WAKE

Ghali kulembeka kutipa ise ulongozgi

Kujipereka

1 Bakorinto. 10.1-11 - Mwa ŵabali, nkhukhumba kumumanyiskani, kuti ŵasekuru ŵithu wose ŵakarongozgeka na bingu ilo likaŵa pachanya pawo, ndipo wose ŵakambuka nyanja. 2 Mu bingu ili na nyanja iyi ndimo wose ŵakabapatizikira mwa Mozesi. 3 Wose ŵakarya chakurya cha uzimu chakuyana waka 4ndipo wose ŵakamwa chakumwa cha uzimu chakuyana waka. Chifukwa ŵakamwa kufuma mu jarawe la uzimu, ilo likaŵarondezganga, ndipo jarawe lira wakaŵa Khristu. 5 Kweni Chiuta kuti wakakondwa na ŵanandi ŵa iwo chara, ntheura ŵanandi ŵakamalira mu mapopa. 6 Vinthu vyose ivi vikaŵa virongorero kwa ise na nchenjezgo kuti tireke kuŵa na mtima wa kukhumba viheni nga ndi umo iwo ŵakachitira. 7 Mureke kuŵa ŵakusopa vikozgo nga ndi umo ŵakaŵira ŵanji mwa iwo; nga ndi umo kuli kulembekera kuti, “Ŵanthu ŵakakhara pasi kuti ŵarye na kumwa ndipo ŵakawuka na kwamba kuvina mwa ukazuzi.” 8 Tireke kuchita mauzaghali nga ndi umo ŵakachitira ŵanji mwa iwo, ndipo ŵanthu vikwi 23,000 ŵakafwa mu zuŵa limoza. 9 Tireke kuyezga Fumu nga ndi umo ŵanji ŵakachitira ndipo ŵakakomeka na zinjoka, 10 Nesi kusinginika nga ndi umo ŵakachitira ŵanyakhe ŵa iwo, ndipo ŵakakomeka na Mungelo wakuparanya yura. 11 Vinthu ivi vikaŵachitikira iwo nga ndi nchenjezgo. Ndipo vili kulembeka nga nchisambizgo kwa taŵeneise umaliro wa mgonezi waneng’enera. Kasi vyakulembeka vyose vya mu Chipangano Chakare vili na ulato wuli kwa ise lero ndipo kasi vili na mlimo wuli pa umoyo withu? Fumbo ili likufumbika kabiri – kabiri mu mipingo yithu lero na baliska mu malo ghakupambana – pambana. Banthu bachoko waka bakuwoneka kuti bakumanya na kupulikiska nga mba Khristu pa mlimo wa Chipangano Chakare pa bakhristu kweniso balipo bachoko waka awo bakusangamo chanduro pa umoza wa buku lose pa umoyo withu. Apo banthu banandi bakuwoneka kuti bakurumba ivyo vili kulembeka mu Chipangano Chakare, ntchipusu chara kusanga banandi bene awo bali kujipereka kukubazga Chipangano Chakare mwakufikapo na kubikapo mtima nga ndi umo kuli kuyowoyekera mu Yoshuwa 1.8: “Buku ili la dango lingawukangamo chara mu mlomo wako. Kweni ulangurukengemo muhanya na usiku mwakuti urongozgeke pakuchita makora kwakuyana na vyose ivyo vili kulembeka mwenemumo. Pakuchita ntheura vinthu viti vikwendere makora ndiposo uti ufiskenge makora vyose ivyo ukuchita.” Nanga ndi phangano la Chiuta ku awo bakujipereka kukubazga na kulangulukirapo pa Mazgu gha Chiuta kuti kuli kukoreka na banthu banandi chara pakati pa bakupulikana, pakuba na khumbiro lakusungilira Mazgu gha Chiuta gha mu Chipangano Chakare. Kasi ntchivichi icho chawuskamo lwana mu banthu kuti bapukwe na kukhumba kusambira Baibulo la Heberi ili (Chipangano Chakare)? Panji mazgoro pa fundo iyi ghangaba ghakuti: “Chipangano Chakare mabuku nganandi chomene mwakuti nkhwakusuzga kumanya ivyo vilimo.” “Chipangano Chakre chili kuzura na vinthanguni, vimanyikwiro, ntharika, vidokoni na vizgezge

2