Ukaboni wa Chipangano chakale pa Yesu Khristu na Ufumu wake, Buku la Msambiri

/ 6 3

UKABONI WA CHIPANGANO CHAKALE PA YESU KHRISTU NA UFUMU WAKE

ivyo vikupulikiskika na nkhwantha pera.” “Nkhuwona chara umo chara umo ndingabichitira. Kasi munthu wangamanya wuli kubazga na kusungilira vinthu vyantheura?” Nanga wuli kungaperekeka vifukwa vinandinandi waka, ntchakupulikikwa makora waka kuyowoya kuti pali chetechete pakamanyiro ka Chipangano Chakare kweniso uburu ulipo wunandi wakamanyiro ka Chipangano Chakare mu mipingo yithu lero. Banji bangapereka suskano yakuti kuti Chipangano Chakare, likaba Baibulo la Fumu yithu Yesu Khristu na Bapostole, Mazgu gha Chiuta ghakutemweka agho ghakaba ghambura kusweka kwa Yesu Khristu (Yohane 10.35), Mazgu gha moyo na kukhara kwa myirayira, kwakuyana na Petrosi (1 Pet. 1.25), kweniso Mazgu gha kuthutirika na Chiuta mweneko, agho ghakukhwimiska na kupereka nkhongono ku batebeti ba Chiuta, kwakuyana na Paulosi (2 Tim. 3.17). Ndipo nadi, Mazgu gha Chiuta agho ghakapereka mtende ku mtima wa Yesu na Bapostole ghakaba gha mu Chipangano Chakare! Paulosi wakabanjirikizga ba Mpingo wa bina Korinto, lene lilo ndi njirikizgo na kwa ise wuwo kuti tibazge na kutebeteska Chipangano Chakare. Paulosi wakapharanga kuwombora kwa Yehova ku bina Isirayeli uko kuli kulembeka mu buku la Kufuma, ndipo wakagumanya ubatizo wa Mosesi, banthu ba fuko la Isirayeli apo bakajumpha mukati mwa Nyanja yiswesi (Red Sea) na kumwa kwa uzimu uko bakapokera kufuma kwa Chiuta “kufumira pa jarawe ilo likabalondezganga, ndipo jarawe ili ndi Yesu” (v.4). Wakabalangura bakupulikana awo bakaba bamtundu kufumira mu Chipangano Chakare, kubachiska kufumira pa chiyerezgero icho wakatora kufumira pakati pa kumira mutu kwa bina Israyeli na kumira mutu kwa bina Korinto. Wakabachenjezga pa ujira wakusopa vikozgo, na kubachiska kuti baleke kulondezga kachitiro ako bina Isirayeli bakachita awo chifukwa chakuleka kupulikira kwawo na kutemwa uzaghali, banthu vikwi – vikwi bakafwa zuba limoza pera. Wakawona kuleka kupulikira kwa bina Isirayeli na kumuyezga Chiuta, na kubachenjezga kuti baleke kutolera Chiuta kukuyezgeka Pamoza na kudinginyika nga ndi umo bakachitiranga, mwakuti baleke kusangika na masuzgo nga ndi umo bina Isirayeli gakachitira pakurumika na zinjoka, kweniso na kumilimitizgika na charu kwa kanyengo kamoza pera. Paulosi wakumalizga ntchisko yake mwakulabiska pa ivyo wali kujumphamo, chiyerezgero, na viyerezgero vya pa umoyo kufumira pa vyakuchitika vya bina Isirayeli nga ndi umo vili kulembekera mu Chipangano Chakare. “Sono vinthu ivi vili kuchitikira iwo mwakuti mwachiyerezgero, kwene kuti vikhare chisambizgo kwa ise, bene awo umaliro wa muwiro wiza” (v. 11). Ntheura, kufumira kwa Paulosi mukatebeteskero kake ka Chipangano Chakare na bakupulikana awo bakamanyanga chara na umo Chipangano ichi chikabira na

2