Ukaboni wa Chipangano chakale pa Yesu Khristu na Ufumu wake, Buku la Msambiri

8 2 /

UKABONI WA CHIPANGANO CHAKALE PA YESU KHRISTU NA UFUMU WAKE

mu vyakuchitika, sembe, maungano, visopo, na viphikiro vyose vya Israyeli. Mwaunenesko, ukaboni wa Chipangano chakare pa Yesu Khristu ngwakukwanira na wa kuwuska nkhumbi. Ulato withu muchisambizgo ichi cha Yesu Khristu Mfiski wa Chihema, Usofi, Sembe na Viphikiro ngakutovwira kuwona vinthu ivi: • Vigaba vyakupambanapambana na vyakuchitika ivyo vikukhwaskana na Tempile/Chihema chakusoperamo ndi Vizgezge vya chiponosko icho Khristu wakupereka. Mu unenesko wose, Chihema chakusoperamo chikaba chiyerezgero cha Chihema cheneko icho chili kuchanya chene icho ndi kumalo ghakukharako Chiuta, chiyerezgero cha malo ghatuba ghatuba gha Chiuta na nthowa iyo Chiuta wakujilongolera kwizira mwa Mfiski, Yesu Khristu, mwene uyo mwa iyo muli chiponosko cheneko na chakufikapo. • Kulongosora kwa Chihema kwakuyana na ukuru wake, vigaba vyake, (chigaba chakuwaro, malo ghakupatulika, na malo ghatuba) vyose vikwimira khumbiro la munthu pakukhumba kusangana na Chiuta, ndiposo munthowa yimoza pera, Chihema chikapereka nthowa na mwabi, wakufikira kwa Chiuta, mwantheuraso, Yesu Khristu wakupereka mwabi kubanthu kukumana na Yesu Khristu ndipo iyo ndiyo wakufiska mlimo wose wakukumana na Chiuta kwizira mu sembe ya ndopa zake. • Vigaba vya Chihema chakusoperamo vikwimira vigaba vya umunthu na utebeti wa Yesu Khristu: jotchero la mkuba likwimira kuwombw kwizira musembe iyo ndi Yesu Khristu, beseni likwimira kusukika uko tikupokera kufumira mundopa za Yesu Khristu, Thebulo la chingwa cha ubapo wa Chiuta chikwimira Yesu Khristu kuti ndiyo Chingwa cha umoyo, Chakubikapo nyali cha golide Chikwimira Yesu Khristu kuba ungweru wa charu, jotchero la vyakununkhira likwimira Yesu kuti ndiyo wakutibeyelera pamaso pa Chiuta, Chisalu chakuchinga chikwimira thupi la Yesu Khristu ilo likatwazulika na kumenyekera ise pa kalivali, Bokosi la Phangano likwimira kuba Pamoza na Chiuta uko tikugabana muchipulikano mwa Yesu Khristu. • Usofi ulara na sembe izo ukaperekanga ndi Mzgezge wa Msofi Mlara wa Yesu Khristu uwo ngwakufikapo nkhanira, wene uwo ukufumira mundondomeko ya Melchizedek, usofi wamyirayira, wambura kusintha, wakufikapo, na waumaliro ndipo wakuluska wa Aaron. • Yesu Khristu wakufiska mu umoyo wake na kujipereka kwake ching’anamuro cha vyakupereka vyose ivyo vikukhwaska Chihema chakusoperamo: sembe zose za pajotchero, vikwimira kujipereka kwa

2