Ukaboni wa Chipangano chakale pa Yesu Khristu na Ufumu wake, Buku la Msambiri

/ 8 3

UKABONI WA CHIPANGANO CHAKALE PA YESU KHRISTU NA UFUMU WAKE

Yesu Khristu kwa Chiuta; sembe ya vyakurya, yikwimira kujipereka kwa Yesu pa umoyo wake na kukomwa kwake kwa Chiuta uko nkhwamapokelereko mukabiro kose, sembe ya mtende chikwimira kupereka kwa Yesu Khristu pakutipa mtende wakufumira kwa Chiuta; sembe ya zakwananga , yikwimira Yesu Khristu mwene uyo wakazgoka kuba wakwananga mumalo mwa ise; Sembe ya mtende yikwimira Yesu Khristu mwene uyo wakazgoka mtende withu pamaso pa Chiuta ; Sembe ya majuvyo, ndi sembe yakwimira Yesu Khristu mwene uyo ndi mphemaniski withu, wakutitozga ise mumawubendezi ghithu ghose na kutipa ise umoyo wupya. • Yesu Khristu ndi mufiski wa mizgezge yose ya ba Yuda iyo yikusangika mu viphikiro, vikondwelero, visopo: muviphikiro vya Pasaka, Yesu ndiyo ndi mwana mberere mwene uyo ndopa zake zikutitoweseska na kutiponoska; muchiphikiro cha chingwa chambura chirungo, Yesu ndiyo wakuchiska mendero yithu mu utozi pambere pake, kwambura uryarya nesi upusikizgi; chiphikiro cha vuna, cha vipasi vyakudanga, Yesu ndiyo chipasi chakwamba cha vuna iyo yikwiza ya banthu batuba ba Chiuta; muchiphikiro cha Pentecost, Yesu ndiyo mwene uyo Pamoza na Chiuta Dada bakupereka Mzimu Mtuba pa Mpingo mu muwiro wasono; Chiphikiro cha kupumura na zimbata, Yesu ndiyo wati wizengeso na kuwunjika banthu bake Pamoza kubatolera kuchiponosko na chitumbiko cha myirayira; Zuba lakupepiskira , Yesu ndiyo ndi Msofi mulara na sembe iyo yili kuperekeka kwa Chiuta muchihema chakuchanya chifukwa cha zakwananga zithu; Chiphikiro cha Misasa, Yesu ndiyo wati wizenge kuzakawunganya banthu bake Pamoza, pakwizaso kwake kachibiri ku uchindami na kukupumura. Chipangano Chakare chili kuzura na ving’anamuro chifukwa chikwimira Mesiya na Chiponosko cha Chiuta. Buku la Baheberi likupereka vyakulondezga na marango ghanandi ghakukhwaska chihema chakusoperamo. . .. Chihema cha pacharu chapasi chikaba chikozgo cha Chihema cheneko icho chili kuchanyaa kwa Chiuta (Baheberi 8.5; 9.24). Chikulongora ivyo Chiuta wali na ivyo vikukhumbikwa kuti banthu bakumane nayo na kumazga kwananga. Mukachitiro aka Chihema chikalongoranga ivyo Mesiya wati wachite mwakuti tiponoskeke. Tingayowoya kuti “Chihema chikaba Mzgezge” cha ivyo Mesiya wati wachitenge na mlimo wake. Chikaba Mzgezge cha Mesiya icho chikawoneka mu chipangano chakare. Mzgezge ukaba wambura nkhongono kuluska chinthu cheneko. Chihema cha kusoperamo cha mchipangano chakare chipangika na vinthu vya mucharu, ndipo kuti vingaliyaniskika na Uchindami panji Utozi wa Chiuta kuchanya chara. Sembe izo banth bakaperekanga Chihema chakusoperamo ntchinthu chakwimira Mesiya

2