Ukaboni wa Chipangano chasono pa Yesu Khristu na Ufumu wake: Buku la Msambizgi

/ 1 1 5

UKABONI WA CHIPANGANO CHASONO PA YESU KHRISTU NA UFUMU WAKE

Chiuta wali kumutuma kuti wakomwe na kufwa pa mphinjika mumalo mwatabanthu. ³ Sabata la umaliro mucharu la Yesu Khristu likusazgako kunjira mu Yerusalemu mwa mazaza, kususkana kwake na balongozgi ba chi Yuda, na kugabana Pasaka na basambiri bake apo wakaluvya Phangano lipya mundopa zake. ³ Mabuku gha Ivangeli ghakuphara na za umoyo wa Yesu kumazuba ghake gha umaliro mucharu na ivyo vikachitika mumazuba agha. Vyakuchitika ivi vikusazgako kukomwa na kusuzgika kwake mu munda wa Gesemane, kweruzgika kwake na mphara yikuru ya baYuda, Herodi, Pilato, kutimbika, kusuzgika, pa umaliro kweruzgikira kunyifwa, kukomeka na kufwa pa mphinjika na kusungika mudindi. Vyakuchitika ivi vikupereka ukaboni wankhongono chomene na wapakweru nkhanira kuti Yesu ndi Mesiya wa Chiuta, Mwana wa Chiuta. Sono ndi nyengo yakuti mudumbirane na banyinu ivyo mwasambira pa uvumbuzi wa Yesu Khristu pakuba Mesiya mweneko mweneuyo wali kulongoreka kwizira mukukomwa kwake na kufwa pa mphinjika. Pakulabiska ukaboni unandi uwo ukusangika mu Mazgu gha Chiuta kwakuyana na mwamphu uwo Yesu wakaba nawo, wenewuwo ukamalira mukufwa kwake pa mphinjika, kasi pali vichi ivyo mwasambira kufumira muchisambizgo ichi? Kasi pa imwe mwekha mwasambirapo vichi pa nyifwa ya Yesu Khristu, chomenemene kuti wakamufwirani imwe chifukwa cha zakwananga zinu? Kasi kughanaghana na kulanguruka pa vinthu ivi kukumovwirani wuli pakulabiska imwe umo muliri pa umoyo winu na ivyo Yesu wali kuchita pa mphinjika? Panji ghanji mwamafumbo agha ghangamanya kumovwirani kuti mumanye kupulikiska ivyo mwasambira? * Kasi Yesu wakenera kuba Mesiya kwambura kukomwa na kufwa pamphinjika? longosorani? * Kasi ntchifukwa wuli ntchinthu chakukhumbikwa chomene kuba na upanikizgi wose pa kabiro ka Mesiya? Kasi pali mphambano wuli pakati pa Khristu wa muchipulikano na Khristu wa mumbiri, panji kasi pakwenera kuba kuyana waka pakati pa babiri aba? * Kasi ivyo Yesu wakajumphamo pa Mphinjika ndivyo vingaba mweso uwo bakhristu awo mbasambiri ba Yesu Khristu bakwenera bajumphemo mu umoyo wawo apo bakumulondezga Yesu? Longosorani zgoro linu.

3

Kutorapo lwande kwa basambiri na vyakulondezgapo vyake