Ukaboni wa Chipangano chasono pa Yesu Khristu na Ufumu wake: Buku la Msambizgi

Visambizgo Vya Mlongozgi

Ukaboni wa Chipangano Chasono pa Yesu Khristu na Ufumu wake Palije nkhayiko yili yose pa fundo yakuti chisambizgo chakuzirwa chomene kwa mlongozgi wa Mpingo nkhumanya wunthu na visambizgo vya Yesu Khristu wa ku Nazareti. Palije chisambizgo chakuluska kumumanya Yesu, utebeti wake na umoyo wake. Chisambizgo ichi chili kunozgeka na ulato wakumulongozgerani kukumanya umoyo wa Yesu pakulabiska umo wuli kupharikira mu mabuku gha Ivangeli, kwambira pa kubabika kwake mpaka pa kukwera kwa wati wawuka kubakufwa. Palije kusambira kunyake kuli kose uko nkhwazirwa kuluska kulabiska pa umoyo wa Yesu Khristu apo tikulabiska mbiri yake nga ndi yili kulembekera mu mabuku gha Ivangeli. Usange tikulabiska pa mbiri yake umo muli umoyo wake, utebeti wake, mwamphu, nyifwa yake, chiwuka, na chikwera chake, tiwonenge kuti Yesu wa ku Nazareti ndiyo ndi Mesiya na Fumu! Pa umaliro wakulabiska chanduro chakusambira umoyo wa Khristu, tikuwona kuti kubabika kwake, ubonda wake, wanichi wake, nga ndi umo vili kulembekera mu chipangano chasono mu mabuku gha Ivangeli, tikuwona kuti pali ukaboni wakufikapo na wakukwana kuti Yesu ndiyo ndi Mesiya. Pakuwona kufiskika kwa laghizgo lake lakutuma Mzimu Mtuba, tikupanikizgikra kuti nadi Yesu wa ku Nazareti ndiyo ndi Mesiya wa Chiuta.

Rev. Dr. Don L. Davis, (Ph.D., U of Iowa) ndi mulara wa wupu wa The Urban Ministry Institute, utebeti wa World Impact. Wakutebetaso nga ndi mlongozgi mulara wachibiri ku wupu wa World Impact. Utebeti wa TUMI ukujipereka kovwira mawupu agho ghali na phampu pakupanda mipingo mucharu chose chapasi, kovwira pakukhozga balongozgi mwakuti bamanye kumanya kupharazga uthenga wa chiponosko cha Chiuta ku banthu wose. World Impact ndi wupu wa chikhristu weneuwo wuli kujipereka kukuzga mlimo wakupanda mipingo, kwizira mukupharazga, kukhozga balongozgi na kupereka wovwiri wakupambanapambana. Ulato withu ngwakuzga, kukhozga na kusambizga balongozgi beneawo bamupharazga na kupanda mipingo mumadera ghose.

www.worldimpact.org • www.tumi.org