Ukaboni wa Chipangano chasono pa Yesu Khristu na Ufumu wake: Buku la Msambizgi

1 1 8 /

UKABONI WA CHIPANGANO CHASONO PA YESU KHRISTU NA UFUMU WAKE

na maukaboni kufumira mu mizimu yiheni. Vyakuchitika mumadazi ghake gha umaliro mucharu ivyo vikalongozgera kukukomwa kwake, kusuzgika na kufwa pa mphinjika (mwamphu wake) vikukhalira ukaboni na kumurongora kuti ndi Mesiya nadi. Vyakuchitika ivi, kufumira mukunjira kwake mu Yerusalemu, kupayikika na kufwa, kusungika kwake, vyose vikulongora kuti Yesu ndi Mesiya wa Chiuta. Usange mukukhumba kulutirizga kusambira na kubazga makani agha pa mutu wa Mesiya wakurongoreka yezgani mabuku agha: Aulen, Gustaf. Christus Victor. Trans. A. G. Hebert. New York: Collier Books, 1969. Stott, John R. W. The Cross of Christ. Downers Grove: InterVarsity Press, 1986. Sono ndi nyengo yakuti mugumanye ivyo mwasambira na utebeti winu. Kupulikiska nkhongono ya kukomwa kwa Mesiya ntchinthu chakuzirwa chomene chifukwa palije utebeti uwo ungenda makora kwambura kupulikiska dankha kuzirwa na nkhongono ya kukomwa kwa Mesiya uko wakakomwera ise. Kupharazga kose, kusambizga, utebeti, na kupwelera vili kujinthika mukaghanaghaniro ka munthu mweneuyo wali kujiyuyura na kujipereka chifukwa cha ise, kufumira muchitemwa chake na kujilambika kwake ku bawiske. Paulosi mupostole wakayowoya kuti, wali kupayikika Pamoza na Yesu, kwene wali na umoyo chifukwa cha Mesiya mweneuyo wali mwa iyo, mweneuyoso wakamtemwa na kujipereka chifukwa cha iyo (Bagalatiya 2.20). Ulato wa vismbizgo ivi ngwakuti mupulikiske na kukoreska unenesko uwu wose na kuwubika pa mtima winu apo mukumutebetera Chiuta kwizira mu mpingo winu na mu utebeti winu wose. Jifumbani mwekha mwakufikapo chomene: Kasi mukabiro kane kose, nkhurongora ching’anamuro na nkhongono ya mphinjika ya Mesiya? Kasi ndili wakunozgeka kunjira mukukomwa kwake, kusuzgika na kukanika chifukwa cha uthenga wake wa chiponosko? Kasi nkhupulika kususkika kuli kose mumtima wane kufumira kwa Mzimu Mtuba kuti ndambe kutemwa mwakusazgirapo na kupulikana na Yesu mwakupambana na umo nkupulikirana kuno kulero? Kasi ndili na vigaba ivyo vikukhumbikwa kutozgeka mu umoyo wane nga ndi chiyabiro cha Chiuta? Tegherezgani makora icho Mzimu Mtuba wakuyowoya mkati mwinu ndipo woneseskani makora ulongozgi wa Chiuta pa umoyo winu ndipo nga ndi chiyabiro cha Chiuta chakutowa na chakwenelera, koreskani ivyo mwasambira ndipo bikanipo mtima pa kumutebetera Chiuta winu.

Vitewetero na Mabuku

Kugumanya Chisambizgo na utebeti

3