Ukaboni wa Chipangano chasono pa Yesu Khristu na Ufumu wake: Buku la Msambizgi

1 2 4 /

UKABONI WA CHIPANGANO CHASONO PA YESU KHRISTU NA UFUMU WAKE

muwuso wa banthu ba mtundu uchimbizgikenge kukamara. Munthu mweneuyo bakakhazgana kuti ndiyo ndi mponoski ndiyo wakomeka. Kasi mukughanaghana kuti mumaghanoghano ghawo mukendanga vichi? Kasi mukughanaghana kuti mumitima yawo mukendanga vichi? Nga ndi umo tikumanyira tose, bamama bali na mtima wa chitima chomene ndicho ntchifukwa bakachelera kuluta ku dindi kughakawonako. Bina Mariya bakachelerera kudindi kukawona umo chitanda chagonera. Kwene kura ndiko bakayakakumana na uthenge wakuti wawuka, ngwa moyo, libwe lasezgekapo pa dindi. Uthenga wa mngelo ukwenera kuti ukabazizika chomene pakupulika kuti Yesu mdindi mulije ndipo ngwamoyo, wauka! Padindi penepara, ndipo bakakumana na Yesu mweneuyo wakabatuma kuti bakabaphalire basambiri bake kuti ngwamoyo ndipo balute bakakumane nayo ku chikaya cha Galileya. Baibulo likuphara kuti bakachita kuchimbira pakufuma mudindi chifukwa bakamuwona Yesu, bakazizikika ndipo bakayowoyeskana kali kose chara chifukwa bakatenthema. Mazgu agho mngelo wakabaphalira ghakaba ghafupi chomene kwene ghakazura na unenesko ukuru chomene pa chipulikano cha chikhristu. Kupenja Yesu wa ku Nazareti mudindi, mweneuyo wakafwa pa mphinjika, ntchinthu chambura chanduro nyengo zose. Waliso mudindi chara; mulije. Fumu ya vyose nja moyo ndipo wali kuzguka kubakufwa. Malo agho bakamugonekamo ghakulongora kuti mulije ndipo ngwamoyo. Mphanyi nkhongono zake, umoyo wake, na nkhongono za chiuka chake vimubenekerereni apo mukumutebetera Yesu. Laghizgo la Chiuta kutuma Mthaski mweneuyo wati wawusenge pa chizumbe cha Davide wuli kufiskika: Mesiya Yesu wa ku Nazareti, mweneuyo wali kupayikika chifukwa cha zakwananga zithu, ngwa moyo. Wali kuwuka kubakufwa, ndipo ngwa moyo kwa muyirayira. Ndipo mwasonosono, wati wizengeso kuzakamalizga mlimo wake uwo wakamba pa mphinjika apo wali kukhazikiska ufumu wke wa Mtende na urunji. Ichi ndicho ntchigomezgo chithu Pa umaliro wakuphara chipulikano cha bapostole, murombe lurombo ulu: Chiuta badada, imwe Mwana winu wakutumbikika, wali kwiza mucharu mwakuti waparanye milimo ya Satana na kuti watipe ise chiponosko na kuba bahaliri ba Ufumu winu: tipasani chikhazi cha umoyo wandanda, mukugomezga uku, timanye kujifyura, mwakovwirika na imwe, mwakuti tiyane nayo. Khumbiro lithu ndakuti apo wizirenge watisange tili batuba ndipo tizakakozgane nayo. Wazakatitolere uko

4

Chipulikano cha bapostole na Kurombo