Ukaboni wa Chipangano chasono pa Yesu Khristu na Ufumu wake: Buku la Msambizgi

1 4 6 /

UKABONI WA CHIPANGANO CHASONO PA YESU KHRISTU NA UFUMU WAKE

Mafumbo agha ghali kunozgeka mwakuti ghamovwireni kuti muweleremo mu ivyo muli kusambira kufumira mu vidiyo. Kutumika uko Fumu yithu yikachita kubasambiri bake kukufiska uchimi wa Mesiya muchipangano chakare. Chiuta wakupangana kupereka chiponosko kubanthu ba mucharu. Pakutuma Bapostole, Yesu wakujiwoneska kuti iyo ndi Mesiya ndipo wakulutilira kuwusa kwizira mu Bapostole nanga wuli iyo waluta kuchanya. Kupanikizgira kwake pakutuma Mzimu Mtuba na kukwelera pachizumbi cha Ufumu kuchanya vikulongora kuti Yesu wa ku Nazareti ndiyo ndi Mesiya wa Chiuta. Lembani mazgoro ghinu mwakupulikikwa makora ndipo musazgireko mavesi mwakuti mukhozgere ivyo mwalemba. 1. Perekani vinji mwavigaba vya kutumika ivyo tasambira muchisambizgo chithu? Kasi mazaza gha Khristu ghakupereka wuli nkhongono kubakutumika? 2. Kasi Chipangano chakare chikukoleranako wuli na languro la Yesu Khristu lakutuma basambiri bake kuti balute kuya kapharazga uthenga uweme na kukapanga basambiri kuvyaru vyose? Kasi kutuma basambiri kwa Yesu Khristu kukukoleranako wuli na phangano la Chiuta muchipangano chakare lakuponoska banthu wose kusazgirapo banthu ba mtundu? 3. Longosorani fundo yakuti: “Mtima wa msambiri ukwenera kuba wa kusambizgika na wakupulikira kumarango gha Mesiya, ndipo languro likuru ndakutemwa” 4. Kasi pali kukoleranako wuli pakati pa Kutuma kwa Yesu kuya kapanga basambiri nga ndi umo kuli kulembekera pa Mateyo 28.18-20, na kuwerezgeka kwa languro nga umo kuli kulembekera pa Milimo 1.8? 5. Kasi kuwoneka kwa Yesu Khristu kwa madazi 40 ku basambiri bake kufumira apo wakawukira kubakufwa, nkhwakuzirwa wuli? Kasi Yesu wakubika wuli pakweru fundo yakuti ufumu wa Chiuta ngwakwenelera kuthandizgika charu chose, layizgo la chiponosko ku charu chose, ku ba Yuda pera chara. 6. Kasi layizgo la kupungurika kwa Mzimu Mtuba kukukoleranako wuli na kumara kwa migonezi, phangano la mgonezi wa mnthazi? Kasi Yohane Mbapatizi wakakhozgera wuli ubatizo wa Yesu na Mzimu Mtuba? 7. Kasi kwiza kwa Mzimu Mtuba pa Yesu kukukhalira wuli ukaboni wa Yesu wa ku Nazareti kuti ndiyo ndi Mesiya wa Chiuta?

Kuweleramo Chigaba Chachibiri

Mafumbo gha basambiri na Mazgoro ghake

4