Ukaboni wa Chipangano chasono pa Yesu Khristu na Ufumu wake: Buku la Msambizgi

1 8 0 /

UKABONI WA CHIPANGANO CHASONO PA YESU KHRISTU NA UFUMU WAKE

Vyakubazga pa Khristu (Mwakulutirizga)

Charu na uyo wakucheska wakufikapo Yesu Khristu wa ku Nazareti wakulutilira kumanyikwa na kuzirwiskika. Banthu bakuzizikika nayo, ndipo bakuzomera kuti ngwakuzukumiska. Banthu banandi bakumukana kuti ndi Chiuta kweni bakuzukuma nayo, muvinjeru vyake, mahara ghake, visambizgo vyake na kabiro kake. Mbunenesko nadi kuti pali banthu banji awo bakumukana kwene chinthu chimoza icho banthu bakutondeka kuchita nkumureka waka kwambura kuyowoya na vya iyo. Nanga ndi visopo vinyake na mukayowoyero kanyake ka banthu bavinjeru, Yesu wakupika ntchindi zose. ...nga ndi umo nkhwantha T.R. Glover wali kulembera mu buku lake la The Jesus of History : «Yesu ndiyo mtima na nkhongono zose za chiKhristu, wakulongozga banthu, wakuchita mubanthu vyose, kulijeso munthu wali yose uyo wangayana nayo mu mbiri ya charu. Banthu bangamutemwa panji kumutinkha, kwene bakuvichita waka chifukwa cha kukana kuzomerezga unenesko apo unenesko bakuwumanya.” . . . Yesu ndiyo ntchindamira ya chiKhristu, ntheura chipulikano cha chiKhristu na umoyo wa chiKhristu usanga vingaba vyachanduro, vikwenera kudodoliska pa Khristu. Mu buku lake la Christian Faith and Other Faiths , chipondi Bishop Stephen Neill wali kulemba kuti: “Kayowoyero kakare kakuti chiKhristu ndi Yesu mbunenesko wakufikapo. Yesu Khristu wa ku Nazareti ndiyo ndi mweso wakuyezgera Mkhristu wali yose ndipo ndiwo mbungweru weneuwo vyose vya chiKhristu vikwimapo panji kuwa.” ~ John Stott. Life in Christ . Grand Rapids : Baker Books, 1991. p. 7. Kasi ntchifukwa wuli Yesu Khristu wakaba msambiri wa nkhumbi? Kasi ntchivichi icho chikaguza banthu banandi kuti bamurondezgenge? Mukuzgora fumbo ili, banji bangamanya kuyowoya kuti, ndivyo Yesu wakayowoyanga ndiyo vikaguzira banthu kwa iyo mwene. Kwakuyana na Yesu, Mazgu gha zintchimi ghaweleraso ku Israyeli pati pajumpha vilimika 400 (Mateyo 12.28; Luka 4.16-21). Chiuta wakabenderaso banthu bake na kuphara khumbo lake. Fundo yinyake iyo banthu bangayowoya njakuti banthu bakizanga kuzakampulikizga Yesu chifukwa chakuti banthu bakakhorwa kuti Chiuta wakayowoyanga kwizira mwa Yesu Khristu ndipo ivyo wakayowoyanga ghakaba nadi Mazgu gha Chiuta (Luka 5.1; 11.28; Mariko 4.14-20). . . . Chiwuska nkhumbi cha visambizgo vya Yesu Khristu: Kasi chili kufumirankhu?