Ukaboni wa Chipangano chasono pa Yesu Khristu na Ufumu wake: Buku la Msambizgi

1 9 2 /

UKABONI WA CHIPANGANO CHASONO PA YESU KHRISTU NA UFUMU WAKE

NDONDOMEKO 18 Kupharazga na Kusambizga Yesu Khristu wa ku Nazareti nga ndi Mesiya na Fumu ndicho ndi ntchindamira ya Utebeti wose wa Baibulo Don L. Davis Bafilipi. 3.8 - Mbunenesko, ndavipima vyose kuŵa vyambula chandulo chifukwa cha chandulo chikuru chakumumanya Khristu Yesu, Fumu yane. Pa chifukwa cha iyo ndili kupwererako vyose chara, na kuvipenda vya ku chizara, mwakuti Khristu ndiyo waŵe chandulo chane, 9 ndipo kuti ine ndisangike mwa iyo, pa chifukwa cha urunji wa ndamwene uwo uli kugona pa marango chara, kweni na urunji uwo ukwiza mu chipulikano mwa Khristu uwo ndi urunji wakufuma kwa Chiuta, ndipouli kugona pa chipulikano. Milimo 5.42 – 42 Ndipo zuŵa na zuŵa mu Nyumba ya Chiuta, na mu nyumba za ŵanthu, ŵakutumika ŵakarutilira kusambizga na kupharazga Uthenga Uweme kuti Yesu ndi Mesiya. 1 Bakorinto 1.23 - Kweni ise tikupharazga Khristu uyo wakapayikika pa mphinjika. Ku ŵaYuda nchikhuŵazgo ndipo ku ŵamitundu mbuchindere. 2 Bakorinto 4.5 - Chifukwa kuti tikujipharazga tekha chara, kweni tikupharazga Yesu Khristu kuti ndiyo Fumu, ndipo ise tili ŵateŵeti ŵinu chifukwa cha Yesu. 1 Bakorinto Cor. 2.2 - Pakuti nkhadumula kuti ndimanye kanthu kanyakheso mukati mwinu chara kweni Yesu Khristu pera uyo wakapayikika pa mphinjika. 3Ndipo nkhaŵa namwe mu utechitechi, mu wofi ukuru na mu kutenthema. Baefeso 3.8 - Nangauli ndili muchoko chomene kuruska wose ŵanthu ŵa Chiuta awo mbachoko, kweni Chiuta wali kundipa mwaŵi wakupharazga Uthenga Uweme ku ŵamitundu, uwo mbusambazi wa Khristu wambula kumara. Bafilipi. 1.18 - Ipo kasi nchichi! Chakuzirwa nchakuti mu nthowa yiliyose, Khristu wakupharazgika kosekose manyi ndi mu upusikizgi panji mu unenesko. Pa ichi ine nkhukondwera chomene. Ndipo nditi ndirutilire kukondwa. Bakolose 1.27-29 Iyo wakakhumba kuti iwo ŵamanye cha muchindindi icho mbusambazi wa uchindami wakhe mukati mu ŵamitundu. Chamuchindindi icho nchakuti, Khristu wali mwa imwe, uyo nchigomezgo cha uchindami. 28 Ntheura ŵanthu wose tikuŵapharazgira Khristu, tikuŵachenjezga ŵanthu wose na kuŵasambizga na mahara ghose mwakuti tiŵapereke kwa Chiuta kuti ŵaŵenge ŵakufikapo mwa Khristu. 29 Chifukwa cha ichi nkhulimbalimba kuteŵeta mlimo uwu mwakugomezgeka na nkhongono ya Khristu iyo yikuteŵeta na nkhongono mwa ine.