Ukaboni wa Chipangano chasono pa Yesu Khristu na Ufumu wake: Buku la Msambizgi

2 5 4 /

UKABONI WA CHIPANGANO CHASONO PA YESU KHRISTU NA UFUMU WAKE

kaghanaghaniro ka Msambiri. Kwiza kwa Yesu mucharu kukwenera kubaba banthu awo balije soni kuphara pakweru umoyo na mlimo wake. Kwiza kwake kukulongora kufiskika kwa laghizgo la Chiuta la kuponoska banthu wose awo bakupulikana na yo. Wonani viyerezgero ivyo vili pasi apa: Yesaya. 40.1-5 - Chiuta withu wakuti, “Sanguruskani, sanguruskani ŵanthu ŵane.”2Ŵayowoyerani makora ŵa mu Yerusalemu, muŵaphalire kuti, “Umikori wawo wamara, zakwananga zawo zagowokereka. Iwo ŵapokera kaŵiri kufuma kwa Fumu, chigowokero cha zakwananga zawo zose.”3Munthu yunji wakuchemerezga wakuti, “Nozgani nthowa ya Fumu mu mapopa, nyoroskani msewu wa Chiuta withu mu chiparamba. 4Vinkhwawu vyose viwundike, mapiri ghose na tumapiri wuwo, vigumurikire pasi. Malo gha mabonkhobonkho ghaskesketeke, ndipo malo gha vituntha ghazgoke vidika.5Penepapo uchindami wa Fumu uti uŵenge pakweru, ndipo ŵanthu wose wizamkuwuwona, pakuti ntheura ndimo yayowoyera Fumu.” Yesaya. 49.13-16 Iwe mtambo, yimba mwakukondwa, iwe charu, sekerera! Imwe mapiri, chemerezgani na sumu za chimwemwe. Pakuti Fumu yikusanguruska ŵanthu ŵakhe, ndipo yiti yiŵenge na chiwuravi pa ŵakusuzgika ŵakhe.14Kweni ŵanthu ŵa mu Ziyoni ŵakuti, “Fumu yatisida ise, Fumu yatiruwa.”15Kasi mama wangaruwa mwana wakhe wakonkha, panji kuti wareke kuŵa na chiwuravi pa uyo wakababa yekha? Nangauli ŵangaruwa, ine kuti ndimuruwaninge chara. 16Iwe Yerusalemu, ine ndili kukulemba mu chikufi chane. Viliŵa vyako nkhuviwona kaŵirikaŵiri. Yesaya. 51.3 “Nadi Fumu yizamkusanguruska ŵanthu ŵa mu Ziyoni, yizamkuŵasanguruska ŵa mu malo ghakhe ghose ghakupasuka, yizamkughazgora mapopa kuŵa nga ndi munda wa Edeni, malo gha chiparamba kuŵa nga ndi munda wa Fumu.Chimwemwe na kukondwa vizamkusangika mwenemumo, ŵanthu ŵizamkwimba za kurumba na kuwonga Fumu. Yesaya. 51.12 - Fumu yikuti, “Ine ndine nkhukusanguruskani iwe. Kasi iwe ndiwe njani kuti umope munthu uyo wakufwa, kuti umope mwana wa munthuuyo ŵali nga ndi utheka uwo ukufota.