Ukaboni wa Chipangano chasono pa Yesu Khristu na Ufumu wake: Buku la Msambizgi

2 5 8 /

UKABONI WA CHIPANGANO CHASONO PA YESU KHRISTU NA UFUMU WAKE

mumisumba na kuya kakhara kumapopa kwabekha. Kusangika kwa vyakulembeka vya kuchigaba cha Nyanja ya mchere ya Dead Sea (Qumran) vikuphara kuti wupu wa Esene uwo ukakharanga muchigaba ichi ndiwo ukulongoa kukhozga fundo iyi nanga wuli vilije ukaboni. Yohane wakakomeka pakumudumura mutu chifukwa cha uthenga wacheruzgo uwo akapereka kwa Herod Antipas chifuka cha nthengwa yake apo wakahara mwanakazi wa mung’una wake (Mateyo 14.1-12). Yesu wakuchitira ukaboni za kuzirwa kwa Yohane mu utebeti wa uchii, nkhugomezga mwakufikapo chomene chifukwa cha mlimo wake wakuphara na kuluvya kwiza kwa Mesiya. Mateyo 11.1-15 Yesu wakati wamara kulangula ŵasambiri ŵakhe 12, wakawukapo na kuya kasambizga na kupharazga mu misumba yawo. 2Para Yohane Mubapatizi wakaŵa mu gadi, wakapulika milimo iyo Khristu wakachitanga. Ntheura wakatuma ŵasambiri ŵakhe kuya kamufumba kuti, 3“Kasi ndimwe uyo ŵakatenge wakwiza, panji tilindilirenge munyakhe?” 4Yesu wakazgora wakati, “Wererani kunyuma, mukamuphalire Yohane ivyo mwapulika na kuwona. 5Ŵachiburumutira ŵakuwona, viti vikwenda, ŵavyoni ŵakutozgeka, ŵakumangwa makutu ŵakupulika, ŵakufwa ŵakuwuka, ndipo Uthenga Uweme ukupharazgika ku ŵakavu. 6Ngwakutumbikika munthu uyo wakuwura kusangamo kanthu kakumukhuŵazga mwa ine.” 7Apo ŵasambiri ŵa Yohane ŵakarutanga, Yesu wakamba kuyowoyera mizinda ya ŵanthu vya Yohane, wakati, “Kasi mukaruta kuya kawona vichi ku mapopa? Kasi mukaya kawona thete lakusunkhunyika na mphepo? 8Kasi nchichi icho mukaruta kuya kawona? Munthu wakuvwara malaya gha kulipwitika? Chara, awo ŵakuvwara malaya gha kulipwitika ŵakukhara mu nyumba za ufumu. 9Kweni nchichi icho mukarutira kuya kawona? Kasi mukaya kawona nchimi? Nadi, nkhumuphalirani kuti, mukaya kawona uyo wakuruska na nchimi wuwo. 10Iyo ndi mweneuyo mu malembe ghatuŵa Chiuta wakuyowoya na za iyo kuti, ‘Wonani, nditi nditumenge thenga lane panthazi pako, leneilo lamkunozgera iwe nthowa yako.’ 11Nadi, nkhumuphalirani kuti, mu ŵanthu wose awo ŵali kubabika mu ŵanakazi, mulije kuwonekapo mukuru kuruska Yohane Mubapatizi. Kweni uyo ndi muchoko ku wose mu Ufumu wa kuchanya ndiyo mukuru kuruska iyo. 12Kufuma mu mazuŵa gha Yohane Mubapatizi kufika mpaka sono, ŵanthu ŵakulimbana chomene na Ufumu