Ukaboni wa Chipangano chasono pa Yesu Khristu na Ufumu wake: Buku la Msambizgi

/ 2 6 1

UKABONI WA CHIPANGANO CHASONO PA YESU KHRISTU NA UFUMU WAKE

Mesiya Bakumukana

Vyakulemba vyamsambizgi 2

Tampokelerani ku Chisambizgo cha chabiri, Mesiya Bakumukana. Fundo yikuru ya Chisambizgo ichi njakupereka ungweru pa kukanika na kutundurika kwa Mesiya pakulabiska kususkika na kusuzgika na banthu uko Mesiya wakakumana nako, kuthupi na ku uzimu wuwo. Ulato ngwakulongora Yesu Mesiya nga ndi wa nkhondo. Pakuti Yesu wali kwiza kuyakasuskana na bamazaza vikuwonekerathu mu Mazgu gha Chiuta, ndipo yikwenera kuba fundo yakupulikikwa makora kubasambiri binu. Mazgu gha Chiuta agho ghaperekeka apa ngakovwira chomene kuti imwe na basambiri binu mupulikiske makora ukaboni uwu. Isa. 53.3 - Iyo wakayuyurika na kukanika na ŵanthu, munthu wa vitima na wakuzgoŵera yakuŵinya. Wakaŵa nga ndi uyo ŵanthu ŵakumunyanyara, wakuyuyurika ndipo tikamupima kuŵa chawakawaka. 4Nadi wakayegha vyakuŵinya vyithu, wakathwika vitima vyithu. Mateyo 5.11 - 11“Ŵakutumbikika ndimwe para ŵanthu ŵakumutombozgani, ŵakumuzikizgani, na kumuteterani uheni wose chifukwa cha ine. 12Kondwani, sekererani chomene, pakuti njombe yinu njikuru kuchanya. Ntheura ndimo ŵanthu ŵakazikizgira nchimi izo zikaŵako pambere imwe mundaŵeko Mateyo. 10.34-36 - 34“Mungaghanaghananga chara kuti ine ndili kwizira kupereka mutende pa charu. Kuti ndilikwizira kuŵika mutende pa charu chara, kweni nkhondo. 35Chifukwa nkhiza kuti mwana mwanarume wawukire ŵawiske, mwana mwanakazi wawukire ŵanyina, mukamwana wawukire ŵanyinavyara. 36Ŵarwani ŵa munthu ndi awo mba mu nyumba yakhe. Mateyo. 10.21 - 21“Mubali wamkupereka mubali wakhe kuti wakomeke, wiske nayo wamkupereka mwana wakhe kuti wakomeke. Ŵana ŵamkuwukira ŵapapi ŵawo kuti ŵakomeke. Mateyo 24.10 - 10Pa nyengo yeneyira ŵanthu ŵanandi ŵamkutaya chipulikano chawo, ndipo ŵamkwenderana mphiska na kutinkhana. 11Ndipo nchimi zitesi zinandi zamkuwoneka na kupusika ŵanthu ŵanandi. Nkhondo ya Uzimu

 1 Peji 49 Jando La Chisambizgo