Ukaboni wa Chipangano chasono pa Yesu Khristu na Ufumu wake: Buku la Msambizgi

/ 2 6 3

UKABONI WA CHIPANGANO CHASONO PA YESU KHRISTU NA UFUMU WAKE

zakwananga zawo. 23Yose uyo wakunditinkha ine, wakutinkha na Ŵadada wuwo. 24Ndiwurenge kuchita milimo mukati mwawo yeneiyo palije na munthu yunji uyo wakayichitapo, mphanyi ŵalije zakwananga. Kweni sono ŵayiwona milimo, ndipouli, ŵakurutilira kunditinkha ine na Ŵadada wuwo. 25Kweni ichi chikufiska icho chili kulembeka mu marango ghawo kuti, ‘Ŵakanditinkha kwambula chifukwa.’ Baheberi. 12.2 - uku tikudodoliska Yesu, chata na mufiski wa chipulikano chithu. Mweneuyo chifukwa cha chimwemwe icho chikaŵikika panthazi zakhe, wakazizipizga mphinjika, na kuyuyura kulengeskeka na nyifwa, ndipo wakukhara ku maryero kwa chizumbe cha Chiuta. Yakobe 4.4 - Imwe mwa ŵanthu ŵambula kugomezgeka, kasi mukumanya chara kuti kukorana ubwezi na charu, mburwani na Chiuta? Ntheura munthu uyo wakukorana ubwezi na charu, wakujizgora murwani wa Chiuta. 1Yohane 3.1 - Wonani kutemwa uko Chiuta wali nako pa ise. Iyo wakatitemwa chomene mwakuti tikuchemeka ŵana ŵa Chiuta. Ndipo nadi ndise ŵana ŵakhe. Chifukwa icho charu chikureka kutimanyira, nchakuti chikamumanya Chiuta chara. 1 Yohane 3.13 - Ntheura mwa ŵabali ŵane, mureke kuzizwa usange charu chikumutinkhani. 1 Yohane 3.8 - Yose uyo wakwananga ngwa Satana. Pakuti Satana ngwakwananga kufuma ku mutendeko. Ndicho chifukwa Mwana wa Chiuta wakizira kuti wabwangandule milimo ya Satana. Vyamutendeko 3.15 - Nditi ndiŵike urwani pakati pa iwe na mwanakazi, pakati pa mphapu yako na mphapu yakhe. Iyo wati waphwanyenge mutu wako, ndipo iwe uti urumenge chitende chakhe.” Yesaya. 27.1 - Mu zuŵa leneilo, Fumu yizamkutora lupanga lwakhe lwakuthwa, lukuru na lwa nkhongono kuti yilangire chikoko chakofya cha mu nyanja, chakuchimbira ndiposo na chakunyongoroka, ndipo yizamkuchikoma chikoko chakofya cha mu nyanja chira.

Nkhondo ya Uzimu