Ukaboni wa Chipangano chasono pa Yesu Khristu na Ufumu wake: Buku la Msambizgi

/ 2 6 9

UKABONI WA CHIPANGANO CHASONO PA YESU KHRISTU NA UFUMU WAKE

Nanga wuli Chipangano chakare chikupenjerezga chara kuphara vinandi pa kabiro za ufumu wa kumudima, ntchapakweru nkhanira kuti pali vilongolero vya ubapo wa Satana na mizimu yiheni pacharu kwizira mukuzunurika kwa ufwiti, masenga, na kusopa vikozgo (Marango gha Chibiri 32.17; Ps. 96.5). Maluso agha ghakaba ghakupambana na dango na khumbiro la Chiuta, vikaba vinthu vyakukanizgika chomene pakati pa banthu ba Chiuta (Marango gha Chibiri 18.10 14; 1 Samuweli 15.23). Nga ndi umo nkhwantha yinji yili kusachizgira, utebeti wa vibanda mu Chipangano chakare ukwenera kupulikiskika ukwenera kupulikiskika kuti mburwani wa Chiuta na bangero bake.” Muchipangano chasono, mazgu agho ghakulinganizgika na mizimu yiheni iyi ndi dimoni ndipo kusangika kwawo mu banthu vikuchemeka mizimu yikazuzi panji kuti mizimu yiheni ( akatharton , Mariko 1.24-27; 5.2-3; 7.26; 9.25; Milimo 5.16; 8.7; Uvumbuzi 16.13) na lizgu lakuti mizimu yiheni ( ponera , Milimo 19.12-16). Mavesi ghanandi pakuyowoya na milimo ya mizimu iyi ghakuphara kuti banthu banji baliwusika na mizimu yiheni iyi. Apo Chipangano chasono chikuphara mwakulongosora makora gheni panji kupereka mazgoro mwakufikapo chara pa kulongora uko mizimu iyi yili kufumira, palije nkhayiko yili yose pakuphara kuti balembi bachipangano chasono bakamanyang akuti mizimu iyi yiliko ndipo yikulimbana na mulimo wa Yesu Khristu. Pali kukoleranako kukuru chomene pakati pa mulimo wa mizimu iyi na kusopa vikozgo (Paulosi wakapulikiska wakupereka kukoleranako uko kulipo pakati pa vikozgo na mizimu yiheni mukalata wake wakulembekera Bakorinto, 1 Bakorinto 10.20-21; 12.2; Uvumbuzi 9.20). Paulosi na Yohane bakulongora kuti milimo ya mizimu yiheni yisazgikirengeko na kwandana apo charu chinkuneng’enera kuwumaliro, na kabiro kakuro chomene ka upusikizgi na kupuruska banthu (1 Tim. 4.1; Uvumbuzi 16.13-14). Bakhristu bakukumana na nkhongono izi ndipo bakulimbana nazo nga ndi umo Fumu yithu yikakumanirana nawo nga ndi umo kuli kulembekera mu Baefeso 6.10-18. Mkhristu wakwenera kuba wakunozgeka kukumana na nkhondo iyi…. bamazaza……bakuwusa bankhongono bakumidima na nkhongono za Satana izo zili muchanya. Chakuzirwa chomene icho chikwenera kudidimizgika chomene apa ntchakuti kwiza kwa Mesiya kukakhwaskika chomene na kubwangandura na kumazga nkhongono za Satana, kusazgirapo nthembo na nkhongono za uheni izo zikakhumbanga kutimbanizga ufumu wa Chiuta na kuwusa kwake pa chilengiwa chake.