Ukaboni wa Chipangano chasono pa Yesu Khristu na Ufumu wake: Buku la Msambizgi

2 7 6 /

UKABONI WA CHIPANGANO CHASONO PA YESU KHRISTU NA UFUMU WAKE

Zakariya. 9.9 - Kondwerani, sekererani imwe ŵanthu ŵa mu Ziyoni! Chemerezgani na Chimwemwe imwe ŵanthu ŵa mu Yerusalemu! Wonani, karonga winu wakwiza kwa imwe, watonda na kuvivya, ngwa kuzika ndipo wakwera pa mbunda, inya wakwera pa kamwana ka mbunda. Mateyu. 12.19-20 - Kuti wati wakwesane na munthu chara, panji kuchemerezga. Palije uyo wati wapulike mazgu ghakhe, mu misewu ya mu msumba. 20Thete lakuphwanyika kuti wati waliphyore chara, nanga nkhuzimya chisunda chakugolera pachokopachoko, wasuke wachite kuti weruzgi wakunyoroka utonde. 2 Bakorinte. 10.1 - Ine, Paulosi, nkhumuŵeyani mukujipepura na kuzika kwa Khristu ndamweneine ndili wakujiyuyura para ndili pa maso pinu, kweni wa chikanga para ndili kutali namwe. BaFilipi 2.5-8 - Muŵenge na mtima weneuwo ukaŵa mwa Khristu Yesu. 6Iyo pakuŵa mu kaŵiro ka Chiuta, wakapima chara kuti kulingana na Chiuta, nchinthu icho chingakwapulika. 7Kweni wakajikhutula na kutora kaŵiro ka muzga, wakazgoka kuŵa munthu, ndipo wakaŵa mu chikozgo cha munthu. 8Ndipo pakuŵa munthu ntheura, wakajiyuyura, wakaŵa wakupulikira mpaka nyifwa, nyifwa yakhe ya pa mphinjika. 1 Petrosi. 2.21-23 - Makhaliro gha ntheura ndigho Chiuta wakamuchemerani. Pakuti Khristu nayo wakamukomwerani imwe, ndipo wakamusidirani bambiro kuti mwendenge mu malwayo ghakhe. 22Iyo kuti wakachitapo uheni chara, nanga nkhuyowoya utesi. 23Para ŵakamutukanga, iyo kuti wakawezgera vitusi chara. Para wakakomwanga, kuti wakayowoyapo mazgu ghakufinga chara, kweni wakajipereka kwa Chiuta mweruzgi wa urunji. Palije icho chingamanya kulongora banthu kuti ise tili bake ba Yesu kujumpha umo ise tingalongolera kuba bake kwizira mukuyuyura uko wakachita, pakusida uchindami wake na kutora thupi la tabanthu na kukhara nga ndise tabanthu. Tikwenera kutora Yesu kuba bambiro lithu mukabiro kithu kose.