Ukaboni wa Chipangano chasono pa Yesu Khristu na Ufumu wake: Buku la Msambizgi

/ 2 7 9

UKABONI WA CHIPANGANO CHASONO PA YESU KHRISTU NA UFUMU WAKE

Yesaya. 53.12 - Ntheura ndizamkumupa malo pamoza na ŵakuzirwa, malo pamoza na ŵararaŵarara na ŵankhongono. Pakuti wakataya umoyo wakhe ku nyifwa, na kupendekera pamoza na ŵakwananga. Wakayegha zakwananga za ŵanthu ŵanandi, ndipo wakaŵaŵeyerera ŵakwananga. Daniyele. 9.26 - Pamanyuma pa virimika 62 kwandaniska na vinkhonde na viŵiri, akuphakazgika yura wamkukomeka, kwambula kuŵapo na yumoza wakutora malo ghakhe. Sono ŵasilikari ŵa karonga wankhongono uyo wamkwiza wamkupankhura msumba na Nyumba ya Chiuta. Sono umaliro wakhe uti uŵenge nga chigumura ndipo wamkwiza na kupankhuka kwakofya. Pamkuŵa phasulo na nkhondo ivyo Chiuta wakalangula. Mariko 8.31 - Yesu wakamba kuŵasambizga ŵasambiri ŵakhe kuti, “Mwana wa Munthu wakwenera kukomwa pa vinandi na kukanika na ŵarara, ŵasofi ŵarara, na ŵamanyi-marango na kukomeka ndipo pa zuŵa la chitatu wamkuwuka.” Mark 9.31 - pakuti wakasambizganga ŵasambiri ŵakhe, ndipo wakati kwa iwo, “Mwana wa Munthu wamkuperekeka mu mawoko gha ŵanthu ndipo ŵamkumukoma. Kweni para ŵakomeka, iyo wamkuwuka ku ŵakufwa.” Mark 10.45 - Pakuti nanga ndi Mwana wa Munthu nayo kuti wakizira kuteŵetereka chara kweni kuteŵetera na kupereka umoyo wakhe kuti uwombole ŵanthu ŵanandi.” Luka 9.22 - Yesu wakati, “Mwana wa Munthu wakwenera kukomwa pa vinandi na kukanika na ŵarara ŵa ŵaYuda, na ŵasofi ŵarara pamoza na ŵamanyi-marango, na kukomeka, ndipo na kuwuskika ku ŵakufwa pa zuŵa la chitatu.” Luka 9.31 - Ŵanthu aŵa kawonekero kawo kakaŵa ka uchindami, ndipo ŵakadumbanga na vya ulendo wakhe uwo wakenera kufiska mu Yerusalemu. Yohane 10.11 “Ine ndine Muliska muweme. Muliska muweme mweneuyo wakuŵikira pasi umoyo wakhe chifukwa cha mberere.