Ukaboni wa Chipangano chasono pa Yesu Khristu na Ufumu wake: Buku la Msambizgi

/ 2 8 5

UKABONI WA CHIPANGANO CHASONO PA YESU KHRISTU NA UFUMU WAKE

Chiuka cha Khristu chikutipa, kwakuyana na Paulosi, chiponosko ndipo tikupika chipulikano chakuti nase tizamkuwuka apo Yesu wizaso (cf. Rom. 14.9; Rom. 10.9-10; 1 Cor. 15.20; 2 Cor. 4.14; 1 Thess. 4.14). Tikuwonaso kufumira mu buku la Luka makani ghakurongora kuzirwa kwa chiuka. Yesu wakuphara mukusambizga kwake ku basambiri bake, apo wakati wauka, kuti kukomwa na uchindami wa Mesiya, na kuwuka kwake kubakufwa, ndiwo ndi mutu na ntchindamira ya Chipangano chakare (Luke 24.25-27). Petrosi, mu upharazgi wake pa dazi la Pentecost, wakaphara kuti minthondwe na milimo iyo Yesu wakachita, chomenemene chiuka chake ndivyo ndi mizati na vilongolero vyakuti Yesu ndiyo ndi Mesiya, ndipo Chiuta Dada wakapokera na kuzomerezga uthenga wa Yesu (Acts 2.22-32). Kweniso, usambizgi na upharazgi wa Paulosi mumakalata ghake, mu utebeti wake wose, wakadidimizga chomene makani gha chiuka cha Yesu Khristu. Walikudidimizgapo chomene kuti chiuka cha Yesu Khristu ndicho ndi mzati wa chipulikano cha bakhristu (cf. Milimo 13.29-39; 17.30-31). Mwaunenesko wose, Chipangano chasono chikudidimizgapo chomene pa chiuka cha Yesu Khristu kuti ndicho ndi ntchindamira ya chipulikano cha chikhristu. Chigomezgo cha muchipangano chasono ntchakukoleranako ndiposo ntchimoza pera. Yesu wakadidimizgapo chomene pa fundo yakuti chiuka chake ndicho chibenge chilongolero chakukhozgera Chisambizgo chake na mazaza ghake pa kuba Mesiya (Mateyo 12.38-40). Ntchiuka cha Yesu Khristu icho chikupereka chiponosko ku banthu awo bakudemelerana na Yesu Khristu mwa chipulikano (1 Petrosi 1.3), kweniso chikupereka nthowa yeneiyo Fumu yithu, nga ndi Msofi mulara watebeta mlimo wa msofi mumalo mwa Mpingo wake (Baheberi 7.23-25). Chipaturo ichi chikudidimizga fundo yakuti, chiuka, mbiri yake ndi vinthu ivyo vili pakatikati pa chipulikano cha chikhristu pakupereka chigomezgo, utebeti na mlimo kuba Khristu. Woneseskani kuti basambiri binu bakupulikiska makora makani agha pambere mundarute kufundo zinyake zose.

Woneseskani kuti basambiri binu bakupulikiska makora mitu, fundo, na kukonkhoska kose pa makani gha chiuka cha Yesu Khristu. Fumbani basambiri binu mwakuti mupulikiske makora ivyo bakoreska. Kupulikiska kwawo makani gha chiuka, mlimo wa Khristu na fundo zose viwovwirenge chomene kupulikiska

 5 Peji 133 Mafumbo

ghabasambiri na mazgoro ghake