Ukaboni wa Chipangano chasono pa Yesu Khristu na Ufumu wake: Buku la Msambizgi

/ 4 3

UKABONI WA CHIPANGANO CHASONO PA YESU KHRISTU NA UFUMU WAKE

MAKANI GHA CHIYEREZGERO

Kasi Yesu wakumanya na kupulikiska ivyo nkhujumphamo?

Banthu banandi lero bakupulikana kti nanga wuli Yesu wakupharika kuti ndi munthu ngati ndi umo walili munthu wali yose, wakwenera kuti wakaba na kabiro kapadera chomene mwakuti wakaba munthu nga ndise chara. Yesu wakamanya chara icho chikung’anamura kutondeka, kupulika kususkika chifukwa chakwananga uko munthu wachita, kuphepiskana na banthu chifukwa chakunangirana, panji kuthereska nkhongono ya kususkika na kutunduzgika chifukwa chakwananga uko munthu wachita. Kasi mungavwira wuli munthu uyo wali na kaghanaghaniro kantheura aka? Mungamovwira wuli munthu uyo wakukhorwa kuti Yesu wakapulikiska chara umo baliri chifukwa Yesu wakamanya chara urwirwi uwo ukwiza chifukwa chakwananga na unonono wake pa umoyo wa munthu. Kasi ntchamachitiko kuti Yesu watichitire lusungu ise tabanthu chifukwa cha kwananga, nanga wuli kuti wakamunangirapo Chiuta chara, mukaghanaghaniro, mukachitiro, na mukendero? Mukudumbirana za kabiro ka Yesu wa ku Nazareti na musilamu, munyamata yunji wakanjira mukususkana. Suzgo likaba pakuleka pulikiska kwa musilamu za Yesu Khristu kuti ndi Chiuta kweniso ndi munthu mwa iyo mweneko. Mukuyowoya kwake musilamu wakati, “nkhusanga kuti ichi ntchinthu chakusuzga chomene kuchipulikiska muvisambizgo vyose vya chikhristu. Nkhumanya kuti kwa imwe nga mba khristu ntchinthu chambura kusuzga kupulikiska, kwene kwa ise nga mbasilamu, pali suzgo likuru chomene. Nkhupulikiska chara kutu Chiuta wa kuchanya wali kuzgoka munthu, wali kubabika na mwanakazi, wali kukura nga ndise tabanthu, wali kusambira chiyowoyero cha tabanthu, wali kukumana na masuzgo nga ndi tabanthu. Nkhuchisanga kuba chinthu chakusuzga chomene kupulikiska na kuchipokelera. Yezgani kundilongosolera kuti ndi pulikiske makora mwakuti ndipulikiske umo Chiuta wangazgokera kuba munthu.” Kasi mungamovwira wuli kuti wapulikiske? Chisambizgo chakusuzga kupulikiska

1

1

2

Ufumu wa Chiuta ngwakunthazi

Pakuphara kubanyinu na za ivyo mwasambira, tiyezgerere kuti mwasangana na suzgo pa fundo yakwizaso kwa Mesiya na kwiza kwa ufumu wake. Munyinu muchipulikano wakupulikana na fundo yakuti Yesu wa ku Nazareti ndi mfiski wa chipangano chakare na uchimi wake wa kwiza kwa Mesiya, kweni wakususkana na fundo yakuti ufumu wa Chiuta wuli kwiza na Yesu. Chisambizgo chawo chikusambizga kuti Yesu wakiza na ufumu wa Chiuta kubana ba Israyeli kwene

3