Ukaboni wa Chipangano chasono pa Yesu Khristu na Ufumu wake: Buku la Msambizgi

5 2 /

UKABONI WA CHIPANGANO CHASONO PA YESU KHRISTU NA UFUMU WAKE

Chipulikano chithu ntchakukhora, usange kupulikana kwithu ngwakukhora, ndiposo usange kukhazikika kwithu mu Mazgu gha Chiuta nkhwakukora, tipokerenge umoyo uweme na usambazi kufumira kwa Chiuta, vitumbiko ivyo vikufumira kwa Chiuta vikwiza kwa awo chipulikano chawo ntchakukhora na chakujintha. Umoyo uwu wavitumbiko na kuleka kulwara ngwa awo mbakulimba muchipulkano mwa Yesu; awo mbakujintha bakulikiskika kuti vitumbiko vya Chiuta ndi vyawo ndipo nyengo zose mbakusangwa. Kasi mukughanaghana kuti chisambizgo ichi ntchaunenesko? Kasi mukuwona kuti ntchakukoleranako na Baibulo, panji ntchakupuruska, panji ntchautesi? Kukuwoneka kuti banthu awo bakukhara mumsumba mbambura kusangwa panji kukondwa na umoyo wawo. Banji balije chakurya, pakugona panji pakukhara, balije vyakuvwara, balije vyakukhumbikira pa umoyo wawo. Banandi bali mumasuzgo gha zachuma, bakusuzgika ndipo banji mbakavu chomene. Banji bakukhara umoyo wambura chikhazi nesi kunthazi kwakulongosoka. Kasi chanduro chakusangana na masuzgo pa umoyo wa mu Khristu ntchichi? Kasi ntchifukwa wuli vinthu viheni vikuchitika kubakupulikana apo banthu baheni na bambura urunji bakukhara umoyo uweme waka? Kasi pali masuzgo agho ghakuvwira baKhristu kuti bakure muchipulikano na kumutemwa Chiuta chomene, panji tose tabanthu tikuyana waka? Kasi masuzgo ntchilongolero chakuti munthu ngwambura kurunjiskika na Chiuta panji kuti ngwakwananga ndipo Chiuta wamufuratira? Ndi njani uyo wakwenera kupika suzgo pa kutinkhika na kuchomboreka uko bakhristu bakukumana nako? Apo tikuwona kuti Yesu wakasuzgika kufumira ku banthu awo wakabapharazgiranga, pachifukwa cha iyo chara kwene barwani ba ufumu wa Chiuta, kasi vinthu ivi vingachitikaso ku banthu awo bakumugomezga Chiuta? Kasi ise nga mbakumlondezga Yesu, vinthu ivi vingatichitikira? Kasi tikukumana na masuzgo chifukwa chakwananga kwithu panji chifukwa chakuti murwani ndiko kabiro kake kusuzga bana ba Chiuta nga ndi umo wakamusuzgira na kumuyezga Yesu? Usange uwu mbunenesko, tingaphara na kupambaniska wuli apo tikukumana na masuzgo pa umoyo withu usange ndi vyakufumira mumaujira ghithu panji ndi masuzgo ghakufumira waka kwa Satana? Mafumbo ku banthu ba mu misumba: Masuzgo agho bakukumana nawo Kasi Suzgo liri na njani?

2

2

3