Ukaboni wa Chipangano chasono pa Yesu Khristu na Ufumu wake: Buku la Msambizgi

/ 7 9

UKABONI WA CHIPANGANO CHASONO PA YESU KHRISTU NA UFUMU WAKE

³ Kaghanaghaniro ka baYuda pa ufumu wa Chiuta, munyengo ya Yesu Khristu, kakafumira mukufyenyerezgeka kwawo na muwuso wa Baroma. Ivi vikasazgirako mukughanaghana kwawo kuti ufumu wa Chiuta wizenge na nkhongono zose na kumazga muwuso wa Baroma, balwani bawo na kupereka wanangwa kubanthu, kusutuka kwa banthu kufuma kukukakika na Satana na kuwezgekeramo kwa charu kukabiro kake kakudankha. ³ Kaghanaghaniro ka Yesu pa ufumu wa Chiuta kakasuskana na kaghanaghaniro ka banthu banandi kusazgirapo mawupu gha baYuda. Yesu wakapanikizgira kuti Ufumu wa Chiuta wuli mwa iyo kwizira mukuchita minthondwe na kufumiska mizimu yiheni. ³ Nga ndi Mesiya wa unenesko, nanga wuli banji bakamukana, Yesu wakasuskana na nkhongono izo zikamikananga na Ufumu wa Chiuta, nkhongono izo zikakora charu umkori kwambira apo Munthu wakawa mumunda wa Eden. ³ Yesu wa ku Nazareti wali kufiska ufumu wa Chiuta, malaghizgo ghake ghakwiza kwa Mesiya. Ntheura nga ndi Mesiya wakususkana na kuwuskako nthembo na milimo ya ufumu wa Satana. Sono ndi nyengo yakuti mudumbirane na basambiri banyinu ivyo mwasambira, kufumbana mafumbo usange ghalipo. Labiskani nkhani ya kususkika kwa Yesu Khristu na banthu, mizimu na Satana mu utebeti wake nga ndi Mesiya mu Israyeli. Mwaufupi, chisambizgo chakususkika panji kukanika kwa Mesiya chikutilongora kuti mulimo wa Yesu Khristu ukakumana na kususkika na kwimikana na nkhongono za Satana. Apo mukughanaghanira za kabiro aka ka utebeti wa Mesiya, kasi muli na mafumbo wuli agho mukukhumba kuti movwirike pa utebeti winu? Kasi kususkika na kukanika kukhwaska wuli utebeti winu? Panji ghanji mwamafumbo agho talemba apa ghangamanya kumovwirani kupereka ungweru pa ivyo mwasambira. Ntheura yendanimo ndipo zgorani mwakufikapo na lwana lose. * Kasi unandi na kuwerezga kwa kususkika na kukanika kwa Yesu, vikutisambizgachi ise kwakuyana na Ufumu wa Chiuta kwa lero? * Kasi musambiri wa Yesu kuno kulero wakwenera kukhazga vichi apo wakutebetera Fumu, kwakuyana na kususkika, kukanika na kuwura kupokelereka apo wakutebeta nga ndi umo bakachitira na Yesu? Kasi umoyo wa Yesu na umo wakatebeteranga vikutilongora vichi pa utebeti withu? Kasi ntchamachitiko kuti ise nase tingakanika na kupatika na banthu? Longosorani zgoro linu.

2

Kutorapo lwande kwa Msambiri na vyakulondezgapo vyake