Wito Halisi: Kumwakilisha Kristo na Ufalme wake kupitia Kanisa

Viambatisho

165

Wajibu wa Wanawake katika Huduma, mwendelezo

wangekatazwa kujihusisha na uongozi kwa sababu Roho Mtakatifu asingeweza kumpa mwanamke wito na karama zinazohitajika kwa sababu alikuwa ni mwanamke. Karama nyingine zingewekwa kwa ajili ya wanaume, na wanawake hawangepokea karama hizo. Usomaji makini wa maandiko haya na mengine yanayohusiana hauonyeshi katazo kama hilo. Inaonekana kwamba ni juu ya Roho Mtakatifu kumpa mtu ye yote, mwanamume au mwanamke, kipawa chochote kinachomfaa kwa huduma yoyote anayotaka waifanye, kama apendavyo yeye (1Kor. 12:11) “Lakini kazi hizi zote huzitenda Roho huyo mmoja, yeye yule, akimgawia kila mtu peke yake kama apendavyo yeye.”). Akijenga juu ya wazo hili, Terry Cornett hata ameandika insha nzuri ya kitheolojia inayoonyesha jinsi Kiyunani cha Agano Jipya cha neno “mtume” kinavyotumika kwa wanawake bila shaka, likionyeshwa kwa uwazi zaidi katika tafsiri ya nomino ya kike, “Junia” inayotumika kwa “mtume” katika Warumi 16:7, pamoja na madokezo ya kufanya kazi pamoja, kwa mfano, mapacha Trifena na Trifosa waliofanya kazi na mtume Paulo katika Bwana (16:12). kutimiza wajibu wake katika mwili, tunathibitisha wajibu wa wanawake kuongoza na kufundisha chini ya mamlaka ya kimungu ambayo inanyenyekea kwa Roho Mtakatifu, Neno la Mungu, na inafahamishwa na mapokeo ya Kanisa na mawazo ya kiroho. Tunapaswa kutarajia Mungu kuwapa wanawake karama za neema zisizo za kawaida ili kutekeleza agizo lake kwa niaba ya Kanisa lake, na utawala wake katika Ufalme wa Mungu. Kwa kuwa wanaume na wanawake wote huakisi Imago Dei (yaani, sura ya Mungu), na wote wawili wanasimama pamoja kama warithi wa neema ya Mungu (cf. Mwa. 1:27; 5:2; Mt. 19:4; Gal. 3:28; 1 Pet. 3:7), wanapewa upendeleo wa juu wa kumwakilisha Kristo pamoja kama balozi wake (2 Kor. 5:20) na kupitia ushirika wao kukamilisha utii wetu kwa Agizo Kuu la Kristo la kufanya wanafunzi wa mataifa yote (Mt. 28:18-20). Tukiamini kwamba kila Mkristo aliyeitwa na Mungu, aliyejaliwa na Kristo, na aliyejaliwa na Roho na anayeongozwa anapaswa