https://user-fNLORqa.cld.bz/Misingi-ya-Utume-wa-Kikristo-Mwongozo-wa-Mkufunzi

1 5 8 /

MISINGI YA UTUME WA KIKRISTO

3. Umisheni lazima ulenge miji kwa sababu wale ambao Mungu anawapenda wanakaa humo.

III. Jiji ndio picha na ishara ya hatima na urithi wetu wa kiroho

Matumaini Yote ya Israeli na Kanisa Yanapatikana Katika Jiji Yote katika yote, tunapata utimilifu wa matumaini ya Israeli, utimilifu wa ahadi za Mungu kwao; udhihirisho, katika mji ambao una utukufu wa Mungu, wa ukweli ambao tayari umetangazwa na mbingu na anga; na jibu la matamanio yote ya uzuri na matarajio ya kitaifa mahali ambapo wafalme wa dunia wataleta utukufu wao. Katika mji huu waliozaliwa upya ni raia, na mahujaji wote wa imani wataelekea huko. Mji huo pia unafafanuliwa kama bibi-arusi wa Mwana Kondoo; ni katika kipengele kingine ambacho alilifia kanisa lake, kielelezo na lengo la jamii yote ya wanadamu. Katika uchambuzi wa mwisho, mji huu mkuu wa miji ya kimaandiko ni wanadamu, si kuta: watu wa haki waliokamilishwa, mji wa Mungu aliye hai. ~ J. N. Birdsall. “City.” The New Bible Dictionary. Toleo la 3. (toleo la kielektroniki). Downers Grove, IL: InterVarsity Press, 1996. uk. 209.

A. Tumaini la watakatifu na wahenga wa imani: mji ambao mwenye kuubuni na kuujenga ni Mungu.

1. Wimbo wa zamani wa Weusi kuhusu matarajio, “Kuna nafasi nyingi nzuri, nafasi nzuri za kutosha, nafasi nyingi nzuri katika Ufalme wa Baba yangu ... chagua kiti chako, na keti!”

2. Sisi ni wasafiri, wapitaji, wageni, hatuna uraia wa kudumu, nyumba, au utambulisho. Sisi ni wa enzi inayokuja, utaratibu mpya chini ya utawala wa Mungu, katika mji uliopangwa kwa ajili yetu, 1 Pet. 2:11-12.

3

3. Asili ya imani hii ni kutokuwa na nafasi ya kudumu katika ulimwengu huu bali kuutafuta mji uliojengwa na Mungu, Ebr. 11:10.

4. Mungu amewaandalia watakatifu wake mji.

a. Ufu. 21:9-10

b. Ebr. 11:13-16

B. Ishara na ukweli wa hatima yetu ya milele ni kukaa katika Yerusalemu Mpya, si mahali ambapo Mungu hayupo na ambapo majivuno yanatawala, bali pale ambapo Mungu yupo na Yesu anaabudiwa kama Bwana wa wote.

1. Ufunuo 21:2