Bunda etumba elamu ya kondima

140 • Bunda etumba elamu ya kondima

na lisiko na bango. Nkolo Nzambe akitaki mpo na kokotisa mokili nyonso na mabongisi na Ye ya kobongisa yango, ya kolonga mabe mbala moko mpo na libela mpe kobongisa libota (Yisalaele) oyo elombe (Yesu) akowuta mpo na kotelemisa bokonzi na Ye na mokili mbala mosusu. Bongo, atélémísáká libota oyo mokolo mokili akokaki kobima. Na boye, na nzela ya Noa, abikisaki mokili na masumu na yango, na nzela ya Abalayama, aponi libota oyo molona ekokaki koya. Na nzela ya Yisaka, akobaki kotikela abalayama elaka, mpe na nzela ya Yakobo (Yisalaele), atelemisi ekólo oyo ayebisaki libota oyo molona yango akowuta (Yuda). Na nzela ya Mose asikolaki baye ya ye mpenza na kotukama mpe apesaki bango mobeko ya kondimana ; mpe na nzela ya Yoswa, amemaki bato na ye na mboka ya elaka. Na nzela ya basambisi mpe bakambi, abatelaki libota na Ye mpe na nzela ya Dawidi ayokanaki na libota na ye ete abimisa mokonzi oyo akobatela mpo na libela. Ata ko apesaki bato na Ye elaka, bazangisaki kaka kotosa boyokani na Ye mbala na mbala. Mutú makasi na bango mpe kotsingama na bango na koboya Nkolo esukaki kaka ememaki mboka na bango mobimba na bokweyisami (Yisalaele), na kokotela bango na bitumba, na kokwisa bango na banguna mpe na komema bango na bowumbu. Na ngolu na Ye, Nzambe akanisaki elaka na Ye epayi na bango mpe apesaki nzela na ndambo misusu batikala mpe bazonga, mpo elaka mpe lisolo abongisaki ekokisamaki nanu te. Elombe nani awutaki na lola mpo na kolonga na ekulusu wana ntango ekokaki. Elekaki mibu nkama mineyi (400) ya kimia. Ata bongo, na kokokisama ya ntango, Nzambe akokisaki elaka na Ye ya kondima kokota na kati ya bokonzi ya mabe, komona mpasi, komikomisa lokola kizengi na nzela ya kokoma na mosuni lokola moto. Ye, Yesu ya Nasaleta, azalaki Nzambe oyo awutaki lola mpe abikaki kati na biso, amonisaki nkembo na Tata, akokísá mitindo ya mibeko na Nzambe oyo etali efandelo ya bato, mpe amonisaki nguya ya bokonzi na Nzambe na maloba, misala, mpe na kobengana milimo mabe. Ye alataki botomboki na biso lokola elamba, asilisaki nguya ya liwa, alongaki zabulu mpe asekwaki na liwa mokolo ya mísato mpo na kobongisa bikelamu oyo ebebaki ezonga malamu, kosilisa masumu, mpasi, bitumba mpe kopesa bomoyi ya seko epayi ya baye bayambi lisiko to bomoyi na Ye. Mpe, noki noki Mpenza, akozonga na mokili oyo mpo na kozongisa biloko nyonso ya sika. Wana emataki Ye mpe azali na loboko ya mobali ya Tata na Ye, Nkolo Yesu azongisaki Molimo Mosanto na mokili mpo na kosala libota ya sika oyo ebongisami na bayuda mpe na bapakano, libota ebengami Eklezia. Lingomba etindami mpe Ye azali moyangeli na yango, mpe yango ezala litatoli ya Nsango Malano mpo na boyokani ya bikelamo nyonso, mpe soki lingomba ekokisi mosala na yango, akozonga na nkembo mpo na kokokisa mosala ya mokili mpo na bikelamo nyonso. Noki noki akosilisa masumu,