Fight the Good Fight of Faith, Twi Edition

Adesua 8 Nneεma a Yεde Yε Adwuma Yεrehyε Nyankopɔn Akodeε Nyinaa

Enti monhyε Nyankopɔn akodeε no nyinaa, sεdeε mobεtumi asɔre atia ɔbonsam tumi wɔ da bɔne no mu, na moyε biribiara a mobεtumi wie a, moagyina hɔ pintinn. Enti monsɔre nnyina, mommɔ nokorε abɔsoɔ, mowie a monhyε tenenee nkataboɔ. Sε mpaboa ne banbɔ ma mo nan no, momfa ahodasoɔ a asomdwoeε asεmpa no de ma no nhyε wɔ ɔko no mu. Biribiara a mohyia no, momfa gyidie kyεm no, εkyεm a n’ahoɔden dɔɔso sε εbεtumi adum ɔbonsam bεmma gya a εredεre no nyinaa. Na monyε ahwεyie nso, sε mobεfa nkwagyeε dadeε kyε, ne Honhom no nkrantε, a εne Nyankopɔn asεm. ~ Paul aux Ephésiens (Eph. 6.13-17) Adesua no nkɔ awieeε no, wobεgye Nneεma a Yεde Yε Adwuma atom berε a woregye adi sε: • Nyankopɔn ama ogyidini biara akodeε a wɔhia sεdeε wɔbεsi ɔtamfo no kwan na wɔagyia pintinn berε a wɔtoa wɔn. • Nokorε a εwɔ Twerεsεm (a εne, Nyankopɔn Asεm) mu bεtumi ama yεahunu, asɔre atia, na yεahyε atorɔ a ɔtamfo no de tia yεn no anan mu. • Honhom Kronkron no nam honhom mu ahohyεsoɔ a yεde yε adwuma so ma yεn ahoɔden a yεde ko tia ɔtamfo no nyini. Onniawieeε Nyankopɔ, m’Agya, woka no wɔ w’Asεm mu sε wone nimdeε ne nyansa nyinaa farebae. Megye yei tom sε εyε nokorε, Agya dɔfoɔ, na mesrε sε ma me ɔsoro nyansa, na matumi akyε Nokwasεm no pεpεεpε (2 Timoteo 2.15). Mesrε sε kyerεkyerε me ɔkwan a memfa soɔ (Nnwom 32.8), na tutu m’anammɔn ma me. Ma m’aso nte wo nne, na tenetene me seesei wɔ sεdeε medwene na mekasa mu, na kyerε me kwan berε a mayera. Agya, ma me nhunumu akyεdeε, na sε mesua a ma menhunu nsonoeε a εwɔ nokorε ne atorɔ nkyerεkyerε, ahonhom, ne akyεdeε mu. Fa Honhom Kronkron no so kyerε me sεdeε wo pε teε, na ma me nhumu wɔ sεdeε mede m’akoma nyinaa de wo tirimpɔ bεyε adwuma. Awurade dɔfoɔ, mesrε sε boa me na menyε ntεm nte na mentie, nyε nyaa nkasa, na menyε nyaa mfa abufuo (Yakobo 1.19). Ma m’anom nsεm ne m’akoma mu nkɔmmɔbɔ nsɔ w’ani. Ma me kwan na memfa nyansa nka wo

Botaeε

Nyansasrε Mpaebɔ

101