Fight the Good Fight of Faith, Twi Edition

86 • Ko Gyidie Ko Pa no

Yesu pε sε yεnyini sε asuafoɔ na yεko honhom mu gyidie ko pa no, a εnyε wo ara na mmom wo ne agyidifoɔ afoforɔ wɔ ɔman mu ka bom. Sε wontaa nkɔ asɔre a, hyε bɔ seesei ara sε wobεdɔm ekuo bi. Bisa baabi a agyidifoɔ a wɔawie nyini ne afoforɔ hyia mu nnawɔtwe biara som, na afei hyε bɔ sε wobεkɔ. Bisa wɔn asafomma afoforɔ asuafoɔkuo, na hyε aseε kɔ Kwasiada Sukuu asuafoɔkuo ne/anaa ekuo kumaa, Twerε Kronkron adesua, anaa fekuo ketewa bi. Mpa aba, na mmom si w’adwene pi sε wobεnya aboterε berε a wohunu agyidifoɔ afoforɔ, de w’akyεdeε hyε wɔn den, na wosua firi wɔn nso nkyεn. Afei nso, mommɔ mmɔden sε mobεhunu mo asɔfo (anaa akannifoɔ, mpanimfoɔ, sεdeε wɔbεfrε wɔn wɔ mo asɔre mu biara). Momma wɔnhunu sε mokɔ asɔre no na mobεbɔ mpaeε ama wɔn. Momma wɔmmεsra mo, na monkyerε wɔn mo nipasu. Mommoa mo akannifoɔ ma wɔnni mo kan yie: Monyε setie mma ahyεdeε a mo akannifoɔ de bεma mo, na monhwε yie sε mobεbrε mo ho ase ama wɔn, εfiri sε wɔahyε wɔn sε wɔnhwε mo akra so, sεdeε odwanhwεfoɔ hwε ne nnwan so, na wɔbεbu akonta akyerε Nyankopɔn wɔ deε wɔayε wɔ saa abusuabɔ no ho. Momma mo akannifoɔ mfa anigyeε nhyε saa ɔfrε yi ma mma mo na εnyε apinisie wɔ mo mmuaeε ho, εfiri sε εno ho mma mfasoɔ mma mo (Heb. 13.17). Si w’adwene pi sε wobεka afoforɔ ho ayε ogyidini kεseε wɔ ɔman no mu. Nyankopɔn bεma wo adom berε a wo ne wɔn kɔ so wɔ Kristosom abrabɔ kεseε mu bom. Nyamesεm Kristosom wɔ hɔ ma amansan nyinaa firi Nyankopɔn nhyehyεeε mu; εbεtumi afa amammerε su biara. Yεhunu Asεmpa no amansan adeε yi wɔ Asomafoɔ nwoma no mu. Honhom Kronkron hwieguo da no, berε a wɔkaa asεmpa no wɔ kasa a εwɔ wiase biara mu no, yε adanseε a εdi mu kann sε wɔmfaa Kristosom asεmpa no nhyεε amammerε anaa kasa titire bi mu. Yεhunu saa amansan adeε yi wɔ sεdeε wɔde dii nkitaho na wɔgye too mu wɔ Yudafoɔ ne Greekifoɔ amammerε mu wɔ mfe-ha a εdi kan no mu. Na asɔre no frε ne sε εbεwura ɔman biara, amammerε biara, de nkwagyeε nkrasεm, sεdeε nnipa nyinaa bεbrε wɔn ho ase ama Nyankopɔn wɔ wɔn abusua mu mpaepaemu biara mu. Enti, Kristosom mu no, sε mansom Nyankopɔn wɔ me ara m’amammerε mu a, na me gyidie nsi pi. ~ Carl F. Ellis, Jr. Fahodie Akyiri: Asεmpa no wɔ Amerika Abibifoɔ Suahunu mu. Downers Grove, IL: InterVarsity Press, 1983, p. 137. Esiane sε Yesu ahyε n’asuafoɔ sε wɔnnodɔ wɔn ho nti, mede me ho hyε agyidifoɔ abrabɔ mu, de kyε na yεbrε yεn ho as mema yεn ho.

Abusuabɔ

Adansedie