Foundations for Christian Mission, Amharic Student Workbook

1 4 /

የ ክ ር ስ ቲ ያ ን ሚ ሽ ን መ ሰ ረ ቶ ች

• ሚሽንን በመጽሐፍ ቅዱስ ውስጥ ከሚያብራሩት አራት ዋነኛ ኃሳቦች ወይም ጭብጦች አንዱ ሚሽን እንደ መለኮታዊ የተስፋ ቃል ፍጻሜ የሚለው መሆኑን ትገነዘባለህ፡፡ በመጽሐፍ ቅዱሳዊ መረዳት ስናየው ቃል ኪዳን ማለት በሁለት ወገኖች መካከል በግለሰቦች፣ በጎሳዎች ወይም ህዝቦች መካከል የሚደረግ ስምምነት ሲሆን ይህም ስምምነት ለሁለቱም ወገኖች የሚገቡትን ግዴታና የሚያኙትን ጥቅም ያካትታል፡፡ • መጽሐፍ ቅዱሳዊ ኪዳኖች የሚጋሯቸው የጋራ የሆኑ ባህሪያት ሲኖራቸው ይህም ውሎች እና ስምምነቶች በምስክሮች ፊት መካሄዳቸውን እና ውል መጣስ የሚያስከትለውን ውጤት (ማለትም ውሎችን መጣስ እንደ ከባድ ስነምግባራዊ ጥሰት ይቆጥራል) ያካተተ መሆኑን ትረዳለህ፡፡ ቃልኪዳኖች የሚሰጡት ስጦታ በመስጠት፣ ምግብ በመመገብና ብዙ ጊዜ ደግሞ የማስታወሻ ድንጋይ በማስቀመጥ ነው፡፡ የሚረጋገጡት ደግሞ በመስዋዕት በሚደረገግ መሃላ ነው፡፡ • ጋብቻን ጨምሮ ምናልባትም የመጽሐፍ ቅዱሳዊው ኪዳን ዋና ማሳያዎች ማጤን ትችላለህ፡፡ ለምሳሌ እግዚአብሔር ከኖኅ ጋር ያደረገው ኪዳንና እግዚአብሔር በሲና ከእስራኤል ልጆች ጋር ያደረገው ኪዳን ማንሳት ትችላለህ፡፡ ስለዚህም የእግዚአብሔር ኪዳን በጠቅላላው በእግዚአብሔርና በግለሰቦች ወይም በህዝቡ መካከል በጥንቃቄ የሚደረግ ስምምነት መሆኑን ትረዳለህ፡፡ • ሚሽን እንደ መለኮታዊ የተስፋ ቃል ፍጻሜ እግዚአብሔር ከአብርሃም ጋር በገባውቃል ኪዳን ላይ በማስደገፍ ልታየው ትችላለህ፤ ከሀገርና ከወገኖቹ ተለይቶ መውጣቱ፣ በዚህም የተነሳ የሚያገኘው የእግዚአብሔር በረከት፤ እግዚአብሔር ታላቅ ህዝብ ያደርገዋል፤ ስሙንም ታላቅ ያደርገዋል፣ የሚባርኩትን ይባርካል፥ የሚረግሙትንም ይረግማል፣ ከእርሱም የተነሳ አህዛብን ሁሉ ይባርካል የሚለውን ሃሳብ ትረዳለህ፡፡ • እግዚአብሔር ለአብርሃም የሰጠው ለአህዛብ የሚተርፍ የዘር ተስፋ የታደሰውና የተረጋገጠው በልጆቹ በይስሐቅና ያዕቆብ በኋላም መሲሁ በሚመጣበት ነገድ በይሁዳ ግልጽ ሆኖ ተለይቷል፡፡ ከይሁዳ ወገን የዳዊት ቤት ለአብርሃም የተገባው የንጉስ ዘር የሚመጣበት ለመሆን ተመርጧል፡፡ የዳዊትም ወራሽ ለዘላለም በእስራኤል ላይ ይነግሳል፣ ለአህዛብም በረከት ይሆናል፡፡ • እግዚአብሔር ለአብርሃምና ለዳዊት የሰጠው ተስፋ በአብርሃም ዘርነት እና የእግዚአብሔር አገዛዝ በሚመሰረትበት በዳዊት ልጅነት አማካኝነት በናዝሬቱ በኢየሱስ ክርስቶስ ሰውነት በኩል መፈጸሙን ትገነዘባለህ፡፡ በኢየሱስ ሕይወት፣ ሞት፤ ትንሳኤና እርገት በኩል ደግሞ የእግዚአብሔር ኪዳን ተፈጽሟል፡፡ • ሚሽን እግዚአብሔር በኢየሱስ ክርስቶስ በኩል ኪዳኑን የመጠበቁን የምስራች ማረጋገጥና ማወጅ ሲሆን ታላቁ ተልዕኮ ደግሞ ይህን የተፈጸመ ተስፋ ከእስራኤል ጀምሮ እስከ ምድር ዳር ድረስ ለሰው ልጆች ሁሉ የማወጅና የማስተማር ተልዕኮ መሆኑን ትረዳለህ፡፡

1